کنر ولایتی نینگ ناری اولسواللیگی یولی کیسیب قوییلگن

Image copyright Getty

کنر ولایتی نینگ مرکزی وناری اولسواللیگی اره سیده گی یولل قوراللی مخالف لر تمانیدن کیسیب قویلگن، همده یول نینگ ایریم حدودلری گه هم ماین ییرلشتیریلگنی ایتیلگن.

شونینگ دیک مسافر ته شووچی موترلرنی هم اوزاق دن اوق بیلن نشانگه آلینه یاتگنی شکایت بیلدیریلگن.

رسمی معلومات لرگه کوره، ناری اولسواللیگی نینگ کنرمرکزی بیلن باغلیدیگن عمومی یول تورت کوندن بیری کیسیب قوییلگن.

کنر ولایتی نینگ ولایتی کینگش وکیللریدن شیرزمین یول نینگ ایریم حدودلریگه ماین ییرلشتیریلگنینی ایتدی. عینی حالده او، بو معما باعث مسافرلر نینگ باردی کیلدیسی هم کسیلیب قالگنینی تاکیدله دی:"مریض لرنی انتقال بیریش و مسافرلر اوتیب قیتیشلری اوچون ییریک قینچیلیک،همده محل یشاوچیلری هم ییریک معما بیلن دوچ کیلگن.اساسی امنیتی چاره تدبیر دولت تمانیدن الینمه سه مردم شوندی قینچلیک لر بیلن هردایم یوزمه یوز بوله دی."

طالبان عصیانچیلری، بویول دولت و خارجی کوچلرگه تیگیشلی نقلیه واسطه لر اوتیب قیتمسلیگی اوچون کیسیب قویلگنینی ایتیب، عادی اهالی گه ایشلری یوق لیگینی اظهار ایتگن، اما محل یشاوچیلری نه فقط مسافر ته شووچی موترلر بلکه جنازه موترلریگه هم ایزین بیریلمه یاتگنیدن شکایت بیلدیرگن لر.

ناری اولسواللیگی نینگ حاکمی محمد رحمان دانش یول نینگ اچیش اوچون چاره و تدبیر آلینیشی نی تاکیدلیدی:"دشمن آسانلیک بیلن ماین اورنه ته دیلر. بیرقنچه ماینلر امنیتی کوچلری میز تمانیدن بیکار قیلینگن.یولنی آچیش اوچون حرکت لر باشلنگن. یولده امنیتی کوچلر وظیفه لنتیریله دی. بو قینتچلیک خدا خواه له سه حل ایتیله دی. طالبان بو مملکت گه قرشی فعالیت قیلیب گناه سیز انسانلرنی قتل ایته دی."ناری کنر ولایت مرکزی سعد آباد شهری نینگ قریب 70 کیلومتر اوزاقلیگیده جایلشگن. بو یول کنر نی نورستان ولایتی بیلن باغلیدی. اوتگن ییل هم بو مهم یول عصیانچیلر تمانیدن کیسیب قوییلگن ایدی.