قیصارده یوزلب باش پناه سیزعایله لرگه انسان پرورلیک یاردمی کورسه تیلمه گن

Image copyright Reuters

قیصارده اوروش سبب اوی جایی دن ایریلگن یوزلب عایله هلی گچه اولرگه انسان پرورلیک یاردمی کورسه تیلمه گنیدن شکایت قیلیشگن لر.

نیچه قیشلاق نی طالبان تصرفیگه اوتکزیشی بیلن مهاجر بولدیلر. بوعایله لر قوم، قرینداشلری وتنیش لری اوی لریده تیقیلینچ حالتده وقیین احوالده کون کیچیرماقده لر.

چیچکتومنطقه سیگه تیگیشلی 5 قیشلاققه بوندن تورت کون آلدین کوپلب قوراللی لرگروهی هجوم قیلیب بونینگ عاقبتیده بوقیشلاق لر اولراختیاریگه اوتگندی.

دولت ایسه منطقه دولت نظارتی گه اوتگنی باره سیده خبر بیره دی، امابواهالی اوز منطقه لریگه شرایط مهیا ایمسلیگی نی ایتیب دولت تاماندن تیزلیکده یاردم کورسه تیلیشینی طلب قیلیشماقده لر.

چیچکتو منطقه سی طالبان کوپراق فعال بولگن غورماچ تومنی بیلن قیصارتومنینی بیر- بیریدن جدا قیله دیگن نقطه.

دولت بیلن قوراللی طالبان اورته سیده دوام ایتگن مذکوراوروش جریانیده بومنطقه دن یوزلب عایله اوروش خوفی دن قیصار مرکزی وایریم تینچ قیشلاق لرگه چیقیشگه مجبوربولگندیلر.

مهاجربولگن اهالی همه نرسه لری اوز جاییده قالگنی نی ایته دیلر، اولراوزجانلری نی سقلش اوچون فقط اوزلرینی آلیب چیقیشگن و خلاص.

قیشلاق لریدن ایریلگن اهالی گه کوره حتی اون عایله گچه بیر حویلی گه کیلیب جایلشگنلروحاضرقیین احوالده حیات کیچیرماقده لر.

آره دن تورت کون اوتیب هلی هم اولرگه انسانی یاردم کورسه تیلمه گن.

حیاتنی سقلب قالیش اوچون آذوقه یوقلیگی معما بولیشیگه قره مسدن هوا ساووقلیگی هم بوعایله لردن کوپچیلیگی نی کسل قیلیب قوییشگن.

قیصار تومنی نینگ حاکمی عبدالجمیل قیصاری نهرین بیلن چیچکتومنطقه سیدن مینگدن آرتیق عایله اوروش سبب قیصار واطرافده گی قیشلاق لرگه مهاجربولگن لرینی تصدیقه له یدی.

اما اونگه کوره منطقه قیته قوراللی لرنظارتیدن تازه لنگن، اهالی دن کته قسمی قیته اوی وجایلریگه باریب جایلشگن لر.

شونینگ دیک قیصار حاکمی گه کوره ولایت رسمی لریدن بوخصوصده یاردم سوره لگن.

اما شونگه قره ب قالمسدن باش پناه سیزاهالی گه قیصار اهالی سی، حیات نینگ اینگ ضروری احتیاج لرینی یاردم قیلماقده لر.

قیشلاق لریدن ایریلگن اهالی هلی هم منطقه لری امنیتی تولیق تامین ایمیسلیگی دن تشویش بیلدیره دیلر.

اولرتیزلیکده دولت امنیتنی اوزمنطقه لریده تامینلشینی سوره ماقده لر.

حاضرگی کونده فاریاب ولایتی نینگ قیصار تومنی نینگ کمیده 50قیشلاقی طالبان نظارتیده بولگن.

عصیانچی لربوندن آلدین هم بیرنیچه مرته بوتومنگه تیگیشلی قطارقیشلاق لرنی هجومگه توتیب وقتینچه لیک تصرف ایتگندیلر.

بوندن کیلیب چیققن اوروشده شونگه اوخشش یوزلب عایله اوزعایله جایلریدن ایریلگندیلر.

اوتمیشده بومنطقه لرنی تازه لش اوچون دولت تاماندن اوتکزیلگن حربی عملیات لرده ایریم محللرتازه لنگن بولسه ده اما ایریم حدودلر طالبان قولیده هلی همان هم اوتیب قالماقده.