قوراللی شخصلرقندوز پولیس قرارگاهیگه هجوم قیلیشگن

Image copyright Reuters

بیر گروه قوراللی هجومچیلر افغانستان شمالیده گی قندوز ولایتی پولیس قوماندانلیگی گه هجوم قیلیشگن.

بی بی سی نینگ محل ده گی درکچسی گه کوره، ایرته لب ساعت 10 اطرافیده بیر کوچلی پارتلش سیسی ایشیتیلگنی آرتیدن، آتیشمه یوز بیریب، بیرساعتگه قدر دوام ایتگن.

گواه لرنینگ ایتیشیچه، پارتلش کوچلی بولیب، محلدن یوز متر اوزاق ده بولگن بنالرنینگ شیشه لری سینیب توشگن.

قندوز پولیس قوماندانلیگی سوزچیسی سید سرور حسینی نینگ ایتیشیچه، بو هجوم بیش نفر قوراللی شخص تمانیدن عملگه آشیریلیب، باشله نیشده ایکی خودکش هجومچی اوزلرینی قوماندانلیک ایشیگی آلدیده پارتلیب، یول نی باشقه یولداشلریگه آچیب بیرگن..

قندوز پولیس سوزچیسیگه کوره، بیر ساعت دوام ایتگن توقنه شوودن سونگ، پولیس مذکور هجومچیلرنی نابود قیلیب، اوروش یکونلنگن.

اونگه کوره، بو حادثه ده بیر پولیس عسکری یره لنگن.

گواه لرنینگ ایتیشیچه، پولیس کییمی نی کییگن هجومچیلر تویتا روسوملی بیر موتر بیلن محل گه کیریب کیلیشگن.

بو هجوم مسوولیتی نی طالبان گروهی اوز ذمه سیگه آلگن.