"اصلاحات آلیب کیلیش کمیسیونلر رهبرلرینی وظیفه لریدن چیتلنتریش معنی سیده ایمس"

افغانستان جمهوررییسی نینگ ایککینچی اورین باسری سروردانش سیلاو کمیسیونلریده اصلاحات آلیب کیلیش مذکور کمیسیونلررهبرلرینی وظیفه لریدن چیتلنتیریش معنی سیده ایمس لیگینی ایتگن.

اما اجرااییه رییسلیک سوزلاوچیسی کمیسیونلر رهبرلری وظیفه لریدن چیتلنتیریلیشی کیرک لیگینی اورغوله گن.

سیلاوکمیسیونلریده اصلاحات آلیب کیلیش ملی بیردملیک حکومتی نینگ تشکیل ایتلیشی اوچون اساسی شرط لردن بیری ایدی.

چونکه جمهوررییسلیک سیلاویده کینگ قلابلیک یوزبیرگنی ایتیلیب کتته جنجللرگه سبب بولدی بوجنجللرهم خارجیلر اره له شیشی بیلن حل ایتیلدی.

حاضرگی کونده سیلاو کیمسیونلریده اصلاحات آلیب کیلیش کون ترتبیده تورگن موضوع لردن بیری.

افغانستان جمهوررییسی نینگ ایککینچی اورین باسری سرور دانش بوحقده شوندی جواب بیره دی:"اصلی تمل قانون دیر، اصلی مساله لر خصوصیده قینچلیک بیلن یوزمه یوز بولسک قانونگه باغلیق بوله دی. مثلن رای بیروچیلر رویخطی باره سیده قانون ده بیر جمله یازیلگن یعنی رای بیروچیلرکیملیگینی انیق لش اوچون حجت گه ایگه بولیشلری تاکیدلنگن.الکترونیکی کیملیک ترقه تیلیشی خصوصیده بحث لرجریانی بار سیلاوپیتیگه قدر بوعملی بوله دیمی؟ اگر بولمسه ینه هم شو ایسکی رای چیپته لری، کمیشنرلروباشقه ایشچیلر ظرفیت لری کوریب چیقیلسین یعنی اولر بو برنامه نی عملی قیلیش کوچگه ایگه می یاکی یوق؟ قرار شو اساس ده النیسین."

قرشیلیک شووییرده، ملی بیردملیک حکومتی نینگ اجرااییه رییسلیک رهبرلری کمیسیونلر رهبرلری نی کفایت سیزلیککه عیبلب اولر وظیفه لریدن چیت لنتیریلیشی کیرک لیگنی ایته دی.

اجرا رییسلیک سوزلاوچیسی آصف آشنا:

“بو اعلامیه سیاسی کیلشوو اساسیده گی فرمان گه ماس بولیش معنی سیده ایمس.سیاسی کیلشوو ده قوریلمه لر و قانون ده اصلاحات الیب کیلیش قید ایتیلگن. برچه کمچیلیکلر برطرف ایتیلسین،همده اوتگن سیلاوده عیبلنگن شخصلر برچه سی وظیفه لریدن چیتلنتریلسین شونینگ دیک مردم و دنیاجماعه چیلیگی اعتبارینی قازانیش اوچون ایش بیلرمان تیم اورته گه کیلسین."

کیله جک قویاش ییلی نینگ بهار آییده پارلمانی سیلاو اوتکزیلیشی کوتیله دی، بیراق ایریم مقاملر وسیلاونی نظارت ایتوچی تشکیلاتلر، مستقل سیلاو کمیسیونلری و قانونده اصلاحات کیلتیریلیشی ضرورلیگینی تاکیدلب قیلماقده لر.