سیاف مجاهدلرقدرتدن چیتله تیله یاتگنینی تنقید قیلدی

Image copyright AFP

26دلو روس کوچلرینی افغانستان چیققن ایامی گه توغری کیله دی. بومناسبت اوچون مجاهدلرتاماندن پایتخت کابلده اوتکزیلگن ییغینده یوزلب کیشی اشتراک قیلگندی. بوییغین دن مقصد روسلرگه قرشی غلبه قازانیش بیره مینی نشانلش ایدی.

سوزگه چیققن مجاهدلردن عبدالرب رسول سیافگه کوره اولر اوروش غالبی ایدیلر. اما اولراوزلری تشکیل بیرگن حکومت لردن چیتلنتیریله یاتگن لری بولگن.

طالبان حکومتی آغدریلیشیدن 14ییلده مجاهد لر بوکبی اعتراض لرنی بیلدیریب کیگنلر.

صلاح الدین ربانی ملی بیردملیک حکومت نینگ تشقی ایشلروزیری بولسه هم مجاهدلرحقوقی تامین لنمه گنی نی تیلگه آله دی.

مجاهدلرفکریچه غربدن تحصیل آلیب کیلگن تکنوکرات لراولرنینگ اورین لرنی آلیشگنلر.

هرچند افغانستانلیک کوپلب مردم تاماندن دولت گه ایش آلیش اوچون خلققه خذمت قیلیش معیاربولیشی کیره کلیگی باره سیده تاکیدلنه دی. بوندن تشقری قابلیتلی کیشی لرهم ایشگه آلینیشی شرطلیگی ایتیله دی. تورلی قیین چیلیک لربیلن روبه روبولیب کیلگن بوحکومتده ینگی دن پیدا بوله یاتگن ینه بیرمعما هم داعش نینگ فعالیتی کوچه یاتگنی باره سیده چیقه یاتگن خبرلربولگن.

عین حالده ملی مجلس رئیسی عبدالرووف ابراهیمی بوییغین بوکون بیرکابلده ایمس بلکی مملکت بویلب نشاله نیشی ضرورلیگی نی معلوم قیلدی. او بوایشنی عملگه آشیریشگه دولت نی مسوول دیدی.

کمیده اون ییل آغیرجنگ لرآلیب باریشی دن کیین بوندن 26آلدین شورالر قشونی افغانستان ترک ایتدی.

اما مجاهدلرتورت ییلدن کیین مملکت قدرتینی قولگه آلیش گه موفق بولیشدیلر. بیراق مجاهدلراقتدارلی بیرحکومت نی قوریشگه موفق بولمه دیلر.

بونگه سبب جهادی گروه لرآره سیده ایچکی اوروشلرباشله نیب نتیجه ده طالبان حکومتی فعال بولیشیگه سبب بولدی. کیینراق یعنی بوندن 14ییل آلدین امریکا واونلب مملکت القاعده ترماغی واونینگ طرفداری حسابلنگن طالبانگه قرشی کوره ش مقصدیده افغانستان گه اوزکوچلرینی سفربرایتدیلر.