" طالبان و امریکا وکیللری صلح خصوصیده قطرده صحبت آلیب باره دیلر"

Image copyright

طالبان گروهی نینگ یوقاری مرتبه لی اعضالری بوگروه و کیللری و امریکا قوشمه ایالتلری وکیللری آره سیده صلح مذاکره لری ینگیدن بوکیچه قطرده باشلنیشی ممکن لیگینی ایتگن.

طالبان گروهی سوزلاوچیسی ذبیح الله مجاهد بی بی سی خبرنگاری کاوون خموش بیلن بولگن صحبتیده ، امریکالیک لر وطالبان آره سیده مذاکره لرباشلنیشی باره سیده گی خبرنی رد ایتدی.

او بوندن آلدین خبرنگاریمیزگه طالبان هیاتی قطرده فعال ایکن لیگینی ایتیب، امریکالیک لر و طالبان آره سیده مذاکره لر باشلنه دیمی یاکی یوق اولر بیلن علاقه قوریشی کیرک لیگینی تاکیدله گن ایدی.

بیراق او حاضرگه قدر، اوییرده گی وکیللری مذاکره اوچون مراجعه قیلمه گنینی تیلگه آلدی.

طالبان نینگ قطرده گی مهم اعضالریدن بیری رویترز خبر آژانسی سی بیلن بولگن صحبتیده شوندی دیگن " صلح خصوصیده گی مذاکره لرنینگ بیرینچی باسقیچی بوگون قطرده باشلنیشی ممکن. کینیگی باسقیچی جمعه کونی اوتکزیلیشی کوتیله دی. کوریلیک قنه نیمه بوله دی، صحبت لر حاضرگه قدر قندی دیر نتیجه گه ایریشمه گن."

امریکالیک مقاملر بوخصوصده هیچ نرسه دیمه گن.

شوندی ایکن، افغانستان دولتی صلح مذاکره لری توغریدن توغری طالبان بیلن اوتکزیلیشی ممکن لیگینی ایتگن.

افغانستان جمهوررییسی محمد اشرف غنی صلح مذاکره لری تفصیلاتی خصوصیده افغانستان خلقی جریانده قوییلیشیگه ایشانچ بیلدیرگن.

جناب غنی سابق جمهوررییس حامدکرزی ، جمهوررییسلیک اورین باسرلری وپاکستان نینگ ایریم قوم باشلیغ لری بیلن اوچرشگنیدن سونگ شوندی فکرنی بیلدیرگن.

سونگی اوچ اییده پاکستان اردوسی نینگ ارکان رییسی ایککی مرته کابل گه سفر قیلدی او بو سفرلری جریانیده افغان مقاملری بیلن صلح مذاکره لری باره سیده صحبت آلیب باردی.

پاکستانلیک مقاملر افغان حکومتی گه طالبان توغریدن توغری افغانستان بیلن مذاکره قیلیشگه تیار ایکن لیگینی ایتیب و سونگ قرارنی ملاعمر آلیشی کیرک لیگینی اورغوله گن.

اوتگن ییللرده هم افغانستان دولتی طالبان بیلن صلح خصوصیده صحبت آلیب باریش اوچون سعی وحرکت لرنی یولگه قوییگن ایدی، اما هیچ قندی نتیجه گه ایریشمه دی.

افغانستان تینچلیک عالی کینگشی نینگ ایتیشیچه، چین، سعودی عربستان وعرب امیرلیک بیرلشمه سی واسطه چیلیگی بیلن صلح مذاکره لری قیته باشلنیشی خصوصیده سعی وحرکت لر دوام ایتماقده.

آقافغاای غنی در مورد گفت‌وگوهای صلح در روزهای گذشته با چهره‌ها و مقام‌های افغان مشورت کرده و گفته که جزئیات