ایران جمهور رئیسی اورین باسری کابلگه کیلگن

ایران جمهور رئیسی اورین باسری محمد شریعت مداری مملکتی صنعت، ایکینچیلیک، ساغلیق، برق وعمارت قوریش بولیم لریگه افغانستانگه یاردم بیریشی باره سیده تیارایکنینی معلوم قیلگن.

اوبوگون کابلگه سفرقیلیب افغانستان جمهور رئیسی واجرائیه رئیسی بیلن هم اوچره شگن.

مداری جنابلری افغانستان جمهور رئیسی بیلن کابلده بولیب اوتگن صحبتی ایکی مملکت اورته سیده گی اقتصادی وتجارتی علاقه لر رواجله نیشی اوچون ایجابی بولگنینی معلوم قیلگن.

اونینگ اشتراکی بیلن بوگون کابلده ایکی مملکتگه عاید محصولات لر کورگزمه سی نینگ آچیلیش مراسمی هم بولیب اوتگن.

بوگون کابل گه سفر قیلگن ایران جمهور رئیسی اورین باسری محمد شریعت مداری افغانستان جمهور رئیسی واجرائیه رئیسی بیلن اوچره شدی. اونگه کوره ایران تورلی ساحه لرده افغانستانگه یاردم بیریشگه تیار.

او بویاردم لرایکی تامانلمه بولیشینی تاکیدلب افغانستان محصولاتلری هم ایران بازارلریده خریدارتاپیش اوچون کیله جکده بومملکتده کورگزمه گه قوییلیشی مهم لیگی باره سیده خبربیردی. ایران جمهور رئیسی اورین باسری محمد شریعت مداری بوگون کابلده ایران بیلن افغانستان محصولات لری نمایشگه قوییلگن کورگزمه گه هم تشریف بویوردی.

کابلده ایکی مملکت ایشلب چیقارگن محصولات لرگه عاید بوکورگزمه ایکینچی مرته یولگه قوییلماقده.

ایران ایشلب چیقرگن محصولات واشیالرعمارت اوچون کیره ک بوله دیگن اوسکونه اسباب، آذوق آوقت، داری واوی اوسکونه اسبابلریدن عبارت بولگن.

بولرایسه یوزته غرفه ده کورگزمه ده نمایشگه قوییشگن.

افغانستان تاماندن ایشلب چیقریلگن محصولاتلرهم غرفه لرده نمایشگه قوییلگن، بیراق کوزگه کورینرلی ایمس.

بوکورگزمه دن تماشا قیله دیگن لرنی اکثریسی نی تجارلروسرمایه دارلرتشکیل بیره دی. افغان تجارلری دن بیری بوکوزگزمه ده گی ایران ایشلب چیقاره دیگن اشیالردن ساتیب آلیشگن.

ایران تجارلری ایران گه عاید کورگزمه ده نمایشگه قویگن محصولات لریگه افغانلر قیزیقه یاتگنی نی ایتیشگن.

بوکورگزمه اوچ کونگچه دوام ایته دی. ایران اوزاق زمانلردن بیری بومملکت بیلن تجاری علاقه گه ایگه. سونگی ییللرده افغانستانده قوشنی مملکت لربوجمله دن ایران نینگ ایشلب چیقره دیگن محصولات لریگه بولگن طلب کوپ بولگن.

افغانستان تجارت اتاقی معلوماتی اساسیده اوتگن بیرییلده بومملکت نینگ افغانستان گه وارد قیلگن تجارتی محصولات میزانی بیرمیلیارد دالردن آرتیق بولگن.