کابلده انتحاری هجوم یوزبیردی

ایران ایلچیخانه سی مقابلیده یوزبیرگن انتحاری هجومده ایکی کیشی هلاک بولگن وباشقه بیرکیشی یاره لنگن. کابل پلیسی نینگ ایتیشیچه، انتحارچی ترکیه ایلچیخانه سی ایشچیلری نقلیه واسطه سینی نشانگه آلگن.

ایچکی ایشلر وزیرلیگی اورین باسری ایوب سالنگی خبرنگار لربیلن بولگن صحبتیده کورولا رسوملی موتریگه مینگن انتحارچی ایران ایلچیخانه سی قرشیسیده اوزینی پارتلگنینی ایتگن.

شونینگ دیک بو هجومدن مقصد محلدن اوته یاتگن ترکیه ایلچیخانه سی نقلیه واسطه لری ایکنینی تاکیدله گن.

عینی حالده کابل پلیس قوماندانلیگی سوزلاوچیسی حشمت الله ستانکزی بیر تورکیه لیک وبیر افغان هلاک بولگنینی معلوم قیلگن.

بو انتحاری هجوم کابل وقتی بیلن ساعت سکیزاطرافیده ایران ایلچیخانه سی جایلشگن انقره جاده سیده یوزبیردی.

حادثه یوزبیرگن محل یقینده ایران ، ترکیه ایلچیخانه لری و بیر خصوصی بانک هم جایلشگن.

طالبان هجوم مسوولیتی نی اوز ذمه سیگه آلیب، هجومدن مقصد امریکالیک کوچلر کاروانی بولگنینی ایتگن.