لوگر ولایتی نینگ پلیس مرکزیگه گروهی هجوم اویوشتیریلدی

قوراللی عصیانچیلر لوگر ولایت مرکزی پل علم شهریده گی پلیس قوماندانلیگیگه گروهی هجوم اویوشتیرگن.معلوماتلرگه کوره، بیرینچی دن ایککی پارتلش یوزبیریب کیینچه لیک آتیشمه باشله نیب کیتگن.

لوگر ولایتی نینگ ولایت حاکمی سوزلاوچیسی دین محمد درویش نینگ ایتیشیچه هجوم محلی وقت بیلن ساعت بیر اطرافیده باشلنگن.

اونگه کوره، ایککی پارتلش یوزبیرگنیدن سونگ، آتیشمه باشلگن.

حاضرگچه هم هجومچیلر نیچه کیشی بولگنی معلوم ایمس، بیراق امنیتی کوچلر محل گه ییتیب بارگن.

لوگر ولایتی نینگ پلیس قوماندانلیگی منبع لردن بیری هجومچیلر سانی بیش کیشی بولگنینی ایتیب بیری اوزینی پارتله تیب وباشقه تورت نفری اوروشیب کیله یاتگنینی تاکیدله گن.

مذکور گروهی هجوم باره سیده امنیتی کوچلر تمانیدن تولیق معلومات بیریلمه گن.

طالبان گروهی هجوم مسوولیتی نی اوز ذمه سیگه آلیب ودولت کوچلریگه آغیرتلفات ییتکزیلگنینی ادعا قیلیشگن.