پاکستان ایچکی ایشلر وزیری: ترورچیلیککه قرشی کوره ش همکارلیگی معجزه لی بوله دی

پاکستان ایچکی ایشلر وزیر نثار علی خان کابل واسلام آباد اورته سیده گی ترورچیلیککه قرشی کوره ش همکارلیگی معجزه لی بولیشینی اورغولب،ایککی مملکت علاقه سی هیچ بیرپیت حاضر دیک یخشی لنمه گنینی ایتگن.

شونینگ دیک نثار علی خان اسلام آباد بیلن واشنگتن اورته سیده هم مثلی کوریلمه گن درجه ده ایشانچ حاصل بولگنینی تاکیدله گن. او واشنگتنده امریکا تشقی ایشلروزیری بیلن بولگن اوچره شوویده بومساله نی اظهارایتدی.

علی خان جنابلری امریکا تشقی ایشلروزیری جان کری بیلن بولگن اوچره شوویده افغانستان بیلن پاکستان اورته سیده ترورچیلیککه قرشی کوره ش مساله سیگه جدی همکار بولیشی ممکنلیگی نی ایتگن.

اونگه کوره، ایکی مملکت اورته سیده گی علاقه لر یخشی له نیشی ایجابی اوزگریش آلیب کیله دی.

پاکستان اردوسی قوماندانی ژ نرال راحیل شریف اوتگن سه شنبه کونی کابلده افغانستان جمهور رئیسی محمد اشرف غنی بیلن بولگن ملاقاتیده مینطقه امنیتی وجنگری لرگه قرشی حربی عملیات لردوام ایتیشی باره سیده صحبت قیلگندی.

افغان تامانی گه کوره، پاکستان اردوسی رسمیلری اوشبو سفرده افغانستان جمهور رئیسی گه کویته شوراسی وحقانی ترماغی افغانستان دولتی بیلن صحبت قیلیشیگه تیارایکن لیگی نی معلوم قیلگن لر.

افغان رسمیلری گه کوره، پاکستان نینگ یوقاری مرتبه لی رسمیلری طالبانگه تینچ لیک جریانیگه قیتمه گن تقدیرده اولرنینگ قرارگاه لرینی یاپیش لری ممکنلیگی ایتگنلر.

پاکستان تشقی ایشلروزیری هم آقاخان بیلن اوچره شگنیده ایکی مملکت اورته سیده همکارلیک لرمثلی کوریلمه گن درجه ده عملگه آشه یاتگنی ایجابی نتیجه بیره یاتگنی گه سبب بولگنینی آلقیشله گن.

پاکستان تشقی ایشلروزیری اوتگن نیچه آیده اوبا حکومتی سعی وحرکتی نتیجه سیده پاکستان وامریکا آره سیده ایشانچ وهمکارلیک پیدا بولگنینی معلوم قیلگن.

افغانستان جمهور رئیسی محمد اشرف غنی پاکستان بیلن فرقلی سیاست نی آلدینگه قویگنی ایتیلماقده وبومساله ایکی مملکت علاقه لری یخشی له نیشیگه سبب بولگن.

غنی جنابلری جمهوررئیس بولیشی بیلن ایلک بار پاکستان سفرقیلدی. و سونگی آیلرده پاکستان نینگ نیچه مرته یوقاری مرتبه لی رسمی لری هم افغانستانگه سفر قیلدی.

غنی جنابلری حاضرگچه هند گه سفر قیلمه گن. وتحلیلچی لرتاماندن اونینگ بوایشی پاکستان بیلن یقینلشه یاتگنی وبومملکت اعتبارینی اوزیگه تارتیش دیب تاکیدلنه دی.

پاکستان تامانی سیاستی گه هم پیشاورمکتبی گه قیلینگن هجومدن کیین اوزگریش کیلگنی کوزه تیله دی وبومملکت گه عاید دولت وسیاسی حزب لرافغانستان بیلن همکارلیک قیلیشگه حرکت قیله یاتگن سیزیلماقده.