لوگر ولایتی نینگ پلیس مرکزیگه اویوشتیریلگن هجومده 20 پلیس هلاک بولگن

لوگر ولایتی نینگ ولایت حاکمی سوزلاوچیسی دین محمد درویش نینگ بی بی سی گه ایتیشیچه ، پلیس قوماندانلیگیگه اویوشتیریلگن گروهی هجوم نتیجه سیده 20 پلیس هلاک بولگن و باشقه سککیز پلیس یره لنگن.

لوگر ولایتی نینگ ولایت حاکمی سوزلاوچیسی دین محمد درویش نینگ ایتیشیچه هجوم محلی وقت بیلن ساعت بیر اطرافیده باشلنگن. همده او، انتحارچیلر تورت کیشی بولگنینی ایتیب بوحقده شوندی معلومات بیردی:"انتحارچیلر تورت کیشی بولگن، اولردن بیری قوماندانلیک بناسی ایشگی مقابلیده اوزینی پارتلتدی، ایککی نفری هم پلیس تمانیدن آلتیب اولدیریلدی، قالگن بیرنفری پلیس اوقت له نیب تورگن طعام خانه گه کیریب باریب اوزینی پارتلتدی نتیجه ده ییگیرمه پلیس هلاک و سککیز پلیس هم یرلنگن"

درویش جنابلری هلاک بولگن لردن نیچه نفری پلیس ضابطی بولگنی باره سیده معلومات بیرمه دی.

بوندن الدین راق لوگر ولایتی نینگ پلیس قوماندانلیگی منبع لردن بیری هجومچیلر سانی بیش کیشی بولگنینی ایتیب بیری اوزینی پارتله تیب وباشقه تورت نفری اوروشیب کیله یاتگنینی ایتگن ایدی.

طالبان گروهی هجوم مسوولیتی نی اوز ذمه سیگه آلیب ودولت کوچلریگه آغیرتلفات ییتکزیلگنینی ادعا قیلیشگن.