جوزجانده ساغلیق خادمی اوغیرلنگن

Image copyright

جوزجان ولایتی رسمیلری، ساغلیق و رواجلنتیریش بوییچه خذمت کورسه تیب کیله یاتگن نادولت تشکیلات نینگ بیرشفاکاری قوراللی طالبان تامانیدن اوغیرلنگنینی ایتگن. بوشخص بوگون توشدن آلدین اوز هیداوچیسی بیلن شبرغان شهری نینگ قوچین قیشلاغی یقینیدن اوغیرلنگن.

جوزجان ولایتی ولایت باشیلغی بایمراد قویینلی نینگ ایتیشیچه، بو کیشی اوشبو ولایت نینگ مرکزی گه تیگیشلی قوچین قشلاغی گه قره ب کیته یاتگن بیرپیت یولده قوراللی لر تامانیدن اوغیرلنگن.

قویینلی جنابلر گه کوره، بو شفاکار هیداوچیسی بیلن اوغیرلنگن.

شونینگ دیک نایاب جنابلری بو ساغلیق خادمی امنیت اداره لرینی خبرقیلمسدن بومنطقه گه سفر قیلگنینی ایتدی.

" افغانستان ساغلیق ورواجلنتیریش بوییچه خذمت کورسه تیش " ناملی نادولت تشکیلات افغانستان نینگ ناتینچ منطقه لریده فعالیت آلیب باره دی، حتی طالبان عصیانچیلری فعال بولگن محللرگه هم بو موسسه ایشچیلری سفر قیلرایکن.

حاضرگه قدرهم قوراللی طالبان بوباره ده هیچ نرسه ایتمه گن.

سونگی وقت لرده شمالی ولایت لر بوجمله دن فاریاب وجوزجان ولایتی ده قوراللی طالبان تاماندن ناحکومت تشکیلات لر خادم لری نینگ اوغیرلش حاللری تیز-تیزکوزه تیلماقده.

بوندن ایکی هفته آلدین میمنه شهری نینگ یقینیده نادولت تشکیلات لردن بیری نینگ اوچ نفرخادمی قوراللی لرتاماندن اوغیرله نیب نیچه اوتیشی بیلن بیری اولدیریب تشلندی.

شونینگ دیک میمنه شهریدن نامعلوم قوراللی شخص لر تاماندن نادولت تشکیلات لردن بیریده خذمت قیلیب کیله یاتگن خارج وطنداشی اوغیرله نیب کیینچه لیک آزاد ایتیلدی.

آدم اوغیرلش حاللری کون سه یین کوپه ییب باره یاتگنی یولده قتنه یاتگن اهالی نی قتیق تشویشگه سالماقده.