پاکستان ایچکی ایشلر وزیری: پاکستان و کابل اورته سیده ترورچیلیککه قرشی کوره ش همکارلیگی معجزه لی بوله دی

Image copyright

افغانستان گه سفر قیلگن امریکا مدافعه وزیری اشتون کارتر بومملکت " دایمی موفقیت " گه ایریشیش طلبیده ایکنینی ایتگن. او نیچه کون آلدین امریکا قوشمه ایالتلری نینگ مدافعه وزیری صفتیده تانشتیریلگن ایدی. بومملکت نینگ مدافعه وزیری صفتیده تعیین ایتیلگندن سونگ کارترجنابلری بیرینچی بار افغانستان گه سفرقیله دی. امریکا مدافعه وزیری بو سفریده افغانستانده فعالیت آلیب باره یاتگن امریکا ژنرال لری و افغان مقاملری بیلن صحبت آلیب باریشی کوتیله دی. شونینگ دیک او، حاضرگه قدر اون مینگ امریکالیک عسکر افغانستانده فعالیت آلیب باره یاتگنینی ایتیب شو اوچون هم بیرینچی مرته افغانستان گه سفر قیلگنینی تاکیدله گن. چیت ایللیک کوچلرنینگ افغانستانده گی حربی ماموریتی میلادی 2014 – نینگ دسامبر آییده یکون تاپدی، اما اوروش هلی هم دوام ایتماقده. شونینگدیک افغانستانده قالگن مینگلب امریکالیک کوچلر فعالیتی هم افغان امنیتی کوچلری نینگ مشق و تیارگرلیک لردن اوتکزیش ومصلحت بیریش خصوصیده قره تیلگن. کارترجنابلری افغانستان دایمی موفقیت گه ایریشیش امریکا طلبی ایکن لیگینی اورغولب شونده ی دیگن:" بو موفقیت قنده ی قولگه کیله دی، اینگ یخشی یول نیمه، مین بونی آچیق لش اوچون بوییرگه کیلگن من." امریکا قوشمه ایالتلری جاری میلادی ییل آخرلریگه قدر اوز کوچلرینی 5500 مینگه کمیتیره دی. افغان مقاملری بوندن آلدین برچه چیت ایللیک کوچلر چیقیب کیتیشی باره سیده خواطیر بیلدیریب بو جریان باسقیچ مه باسقیچ عملی بولیشی کیرک لیگینی تاکیدله گن ایدی. امریکا مدافعه وزیری کارتر جنابلری " اسلامی دولت" گروهی نینگ افغانستانده گی فعالیتی باره سیده هم فکربیلدیریب موجود حسابات لرگه قره گنده سانلری آز ایکنلیگینی ایتگن. طالبان گه قرشی اوروش باشلگندن بیری شوپیتگه قدر اوتگن ییل افغان امنیتی کوچلری اوچون اینگ قانلی ییل بولدی. اوتگن ییلده رسمی رقملرگه کوره، افغان امنیتی کوچلریدن بیش مینگ نفرقربان بولگن. میلادی 2014 ییل نینگ الدینکی ییل بیلن سالیشتیرگنده عادی اهالی تلفاتی هم 22 فایزگه آشگن.