بامیانده قار کوچگیسی عاقبتیده تورت نفر هلاک بولگن

Image copyright AFP

بامیان ولایتیده یوزبیرگن قار کوچیگیسی ده تورت نفر هلاک بولگن. بوحادثه ده اوزجانینی قولدن بیرگن لربیرعایله نینگ اعضالری دیر. نیچه کوندن بیری مملکت نینگ بیرقطار ولایتلریده قار ویامغیرشدت بیلن یاغماقده.

بو واقعه کونی کیچه بامیان ولایتی یکاولنگ تومنی نینگ "جوشتک" قیشلاقیده یوز بیرگن.

بامیان ولایتی حاکمی نینگ سوزچیسی عبدالرحمن احمدی بی بی سی بیلن بولگن صحبتیده اوزجانی نی قولدن بیرگن لرایکی باله، بیرعیال وبیرایرکک دن عبارت بولگن دیدی.

بامیان ولایتی ده قاریاغیشی عاقبتیده بیرینچی بار آدم لردن جان آلماقده.

شدتلی یاققن قار بولایت نینگ مرکزی بیلن ایریم تومن لری نینگ یولینی هم یاپیب قویگن.

احمدی جنابلری گه کوره بویوللر تیز آره ده آچیلمه گن تقدیرده انسانی تلفات لربیلن بیرگه بولیش احتمالی دن تشویش ده لر. عین دمده نرخ وناوا اینیقسه ییگولیک آذوقه هم قیمت له شیب کیتیشی ممکن.

اما قارنینگ دواملی یاغیشی بو یوللرنی آچیلیشینی قیین لشتیرگن.

دایکندی ولایتی نینگ حاکمی اورین باسری حبیب الله راد منش بو ولایت نینگ برچه تومن لری یول لری ولایت مرکزی بیلن اوزیلگنلیگی نی معلوم قیله دی.

اونینگ ایتیشیچه تیلفونی علاقه برچه تومن لربیلن اوزیلیب وتلفات لربولیشی ممکن.

بوندن آلدین یوزبیرگن قارکوچیگیسی ده مملکت شمال شرقیده جایلشگن بدخشان ولایتی اهالی سیدن 12نفرنی هلاک ایتگندی.

نیچه کون آلدینگچه افغانستانده بوییل قیش فصلی قورغاق کیلدی دیب تیلگه آلینردی. اما سونگی نیچه کونده دواملی قار ویامغیزیاغیش باشلنگن.

کابل برقی هم سالنگ منطقه سیده یوزبیرگن آغیر قارسبب اوزیلیب قالگن.