بدخشانده 20دن آرتیق قوراللی هلاک وکمیده 10 نفرهم قولگه آلینگن

Image copyright bbc

افغانستان شمال شرقیده جایلشگن بدخشان ولایتی نینگ تگاب تومنیده دوام ایتگن ایکی هفته لیک حربی عملیاتده 25عصیانچی هلاک و11نفرهم تن جراحتی آلیشگن.عین دمده 11جنگری امنیتی کوچلر قولیگه توشگن.

بدخشان ولایتی ده جایلشگن تگاب اولوسواللیگی نینگ ناتینچ بولگن محل لریده ایکی هفته آلدین پولیس کوچلری تمانیدن حربی عملیات لر یولگه قوییلگندی. بوعملیات ایسه کون کیچه اوزنهایه سیگه ییتدی.

رسمی لرگه کوره عملیات نتیجه سیده 25 قورالی طالب هلاک ، 11 کیشی هم تن جراحت آلگن.

بدخشان ولایتی نینگ پلیس اداره سی سوزچی سی لعل محمد احمدزی بی بی سی بیلن بولگن صحبتیده مذکور عملیات جریانیده 11 قورالی طالب قوراللری قولگه آلینگنی نی معلوم قیلیب همده 30 کیشی دن تشکیل ایتیلگن 3 گروپ قورالی طالب هم پولیس صفیگه قوشیلگنی نی تأکیدله دی.

شونینگ دیک احمد زی جنابلریگه کوره اسیرآلینگن شخص لر اره سیده چیت ایلیک تروریست لرقوشیمچه عیال لر وباله لر هم شامل لر.

پلیس نینگ معلوم قیلیشیچه مذکور عملیات جریانیده پلیس کوچلردن بیری قربان بولیب ینه بیری هم تن جراحت آلیشگن، لیکن عادی اهالی گه قنده ی دیر ضرر ییتمه گن ایتیلماقده.

احمد زی جنابلری نینگ ایتیشیچه اوزبیکستان لیک، تاجیکستان لیک همده قرغیزستان لیک تروریست لرنینگ 21 نفری محل دن قاچگن دن سونگ هوای نینگ ساووقلیگی طفیلی هلاک بولگن.

عین دمده رسمیلرگه کوره پولیس صفیگه قوشیلگن لر حاضر بدخشان ولایتی نینگ مرکزیده سقلنماقده، لیکن اولرنینگ قه ییرده یشه شی باره سیده ایچکی ایش لر وزیرلیگی تمانیدن بویروق بیریله دی .

تگاب ولسواللیگی بدخشان نینگ انچه ناتینچ بولگن تومن لریدن سنه له دی، اوشبو اولوسواللیگ دن طالبان گروهی انده سانده کشم وتیشکان اولوسواللیک لریگه اوتیب عصیانگرچیلیک عملیات لرنی عملگه آشیرردیلر.

رسمیلرگه کوره بو تومن نینگ تازه له نیشی قوشنی تومن لرنینگ امنیتیگه ایجابی تأثیر قوییشی ممکن.