پنجشیرده بوگونگی یوزبیرگن قار کوچکیسی ده اون نفراوزجانینی قولدن بیرگن

Image copyright AP

پنجشیرولایتی رسمی لریگه کوره پریان تومنیده یوزبیرگن اونلب قارکوچگیسی ده 10کیشی اولیب اوچ نفرهم یره لنگن.

بوندن آلدین یوزبیرگن قارکوچگی لری عاقبتیده قارتگیده قالگن لرنی قوتقریش اوچون عملیات دوام ایتماقده.

ضررکورگن لرگه هوا آرقه لی یاردم ییتکزیلماقده.

مملکت نینگ تورلی حدودلریده200 دن آرتیق انسان عمری گه ضامن بولگن قلین قار وسووتاشیقی سبب افغانستان دولتی اوچ کون ملی ماتم اعلان قیلدی. تشقریده گی افغانستان ایلچی خانه لری بیراغ لری هم اوچ کونگچه یریم کوتریله دی.

سونگی طبیعی حادثه لر تلفاتی نینگ کته قسمی پنجشیرولایتی گه تیگیشلی بولگن.

بوولایتده گی تلفات لرسانی حاضرگچه 198کیشی گه ییتگن. اما شونگه قره مسدن ینه بوگون اونلب قارکوچگیسی بوولایت نینگ قیشلاق لریدن بیریده یوزبیریب کمیده اون کیشی دن جان آلگن. بوحقده پنجشیرولایتی حاکمی عبدالرحمن کبیری"بختگه قرشی ینه بوگون 40مرته قار کوچگیسی بوولایت نینگ آریوناملی منطقه سیده یوزبیردی، نتیجه ده اون کیشی اولیب اوچ کیشی یره لندی". دییدی کبیری جنابلری

پنجشیر ولایتی رسمی لریگه کوره بوگون جسدلرنی قارتگیدن چیقیریش عملیاتی هم یکون تاپگن. امابوولایتگه تیگیشلی پریان اولوسوالیگی نینگ یولی ولایت مرکزی وایریم قیشلاق لربیلن قلین قار یاققنی سبب اوزیلیب قالگنی اوچون آچیش عملیاتی باشلنگن.

پنجشیر ولایتی حاکمی بوگون کیچقرون گچه بوتومن یولی آچیلیب واهالی گه کیره کلی یاردم ییتکزیلیشینی ایته دی.

قارتگیدن چیقریلگن جسدلراوزعایله اعضالری تاماندن توپراققه دفن ایتیلماقده."بوتکل یولنی آچمسک اولرگه ییترلیچه یاردم ییتکزه آلمه یمیز، حاضر هوا آرقه لی ییگولیک آذوقه قیشلاق اهالیسیگه تشلنه یپدی، قدرتلی کیشی آلیب باشقه قاله دی. بیزلردن اوییرده هیچ کیم یوق، عدالتلی روشده ترقتسه، یول آچیلمسه برابرهیچ کیمگه ییتمه یدی" دییدی کبیری جنابلری

پنجشیر ولایتی رسمی لری گه کوره بوولایتده یوزبیرگن قلین قار وقارکوچگیسی اوتمیشده تکراربولمه گن حادثه حسابلنه دی.

بوحادثه ده قریب کوپچیلیک کیشی دن جان آلیشی یانیده اونلب اوینی هم ویران ایتگن. شونینگ دیک اهالی گه تورلی خیل قیین چیلیک یره تگن.

اوتگن کونلری افغانستان جمهور ئیسی محمد اشرف غنی واجرائیه رئیسی عبدالله عبدالله بو ولایتگه سفرقیلیب ضررکورگن عایله لربیلن اوچره شیب اوز قیغوداشلیک لرینی اظهار ایتگن ایدی.

پنجشیرولایتی دن تشقری تخار، ننگرهار، بدخشان ولغمان ولایتلریده یوزبیرگن سوو تاشقینی وقار کوچگیسی عاقبتیده بیرقطاراهالی نینگ تلفاتی گه سبب بولگندی.

عین حالده قلین قار سبب پایتخت کابلنی شمال ولایت لربیلن باغلاوچی سالنگ یولی یاپیلیب قالیب همده سالنگ یولی آرقه لی آلیب کیلینگن برق قوتی هم اوزیلیب قالگن.

بوایسه اهالینی قیش فصلیده قیین احوالگه قویگن.