هلمند ولایتیده یوزبیرگن خودکش هجومده 14کیشی هلاک بولگن

Image copyright BBC World Service

بوهجوم پارتلاوچی ماده اورنه تیلگن قوی آرتیلگن نقلیه واسطه آرقه لی عملگه آشگن. جنوبی هلمند ولایتی نینگ پلیس قوماندانی نبی جان ملا خیل بی بی سی بیلن بولگن صحبتیده بو ولایت نینگ سنگین تومنیده یوزبیرگن انتحاری هجومده اون عسکروتورت عادی اهالی هلاک بولگنینی ایتدی. اونینگ ایتیشیچه بوهجوم افغان امنیتی کوچلری حربی عملیات اوتکزه یاتگن بیرپیتده بامب اورنه تیلگن نقلیه واسطه آرقلی عملگه آشگن. اونگه کوره اوشبو حادثه ده 7نفرامنیتی کوچلروبیرعادی اهالی هلاک بولگن. ملا خیل جنابلری نینگ ایتیشیچه بو نقلیه واسطه ده قوی آرتیلگن وشوبهانه بیلن حربی مرکزگه کیریش مقصدیده بولگن. نیچه کوندن بیری افغان امنیتی کوچلری هلمند ولایتی نینگ سنگین، نوزاد وکجکی تومنلری نینگ تازه لش اوچون کینگ حربی عملیات بولگه قویگن. افغانستان ایچکی ایشلر وزیرلیگی گه کوره بو عملیات جریانیده کمیده دولت مخالف لری نینگ مهم قوماندانلریدن 36نفرداخل 400جنگری هلاک بولگن.