مملکت جنوبیده اوغیرلنگن 30نفرنی قوتقزیش اوچون حربی عملیات باشلنگن

افغان رسمی لری اوغیرلنگن کمیده 30نفرنی قوتقزیش اوچون ایرته لب حربی عملیات باشلنگنینی معلوم قیلگن. محلی رسمی لرگه کوره بوعملیاتده اونلب اوغیرلاوچی هلاک بولگن. آلیب کیتیلگنلرتقدیری نامعلوم. افغانستان جنوبی ده جایلشگن زابل ولایتی رسمی لری نینگ ایتیشیچه اوتگن هفته بو ولایت نینگ شاه جوی تومنیده اوغیرلنگن کیمده 30نفرنی قوتقزیش اوچون حربی عملیات یولگه قوییلگن. زابل ولایتی نینگ پلیس قوماندانی غلام سخی روغ لیونی بوگون بوولایت نینگ قلات شهریده یولگه قویگن خبری انجمنده قوتقرووعملیاتی ایرته لب تانگ چاغی ساعت 3ده باشلنگنینی ایتدی. اونینگ ادعا قیلیشیچه دوام ایته یاتگن اوشبوعملیات جریانیده ایکی باسقیچده داعش نینگ 30نفراعضاسی هلاک بولگن. زابل پلیس قوماندانی گه کوره اوشبو حربی عملیاتده پارتلاوچی ماده جایلشتیریلگن واسکت هم پارتله گن. جناب روغ لیونی اوغیرلنگنلر تقدیری واحواللری قنده ی لیگی باره سیده معلومات بیرمه دی. بوندن قریب اون کون آلدین ایکی نقلیه واسطه گه مینیلگن مسافرلرقندهاردن کابلگه قره ب کیله یاتگنده زابل ولایتی نینگ شاه جوی تومنیده نقلیه واسطه لری توخته تیلیب نامعلوم قوراللی تاماندن آلیب کیتیلگندیلر. ایتیلیشیچه اوغیرلنگن لر ایراندن افغانستانگه قیته یاتگن هزاره قومی گه منسوب مهاجرلربولیشگن. عین حالده بوندن آلدین زابل ولایتی نینگ ولایت کینگش اعضاسی اسدالله کاکربی بی سی بیلن بولگن صحبتیده محل آقسقاللری بوکیشی لرنی آزادایتیلیشی اوچون ارغنداب وخاک افغان تومنی گه بارگن لری نی ایتگندی. اونگه کوره بوخصوصده گی قوم آقسقاللری مذاکره سی نتیجه بیرمه گندی. کاکرجنابلری بو اونلب کیشی طالبان گروهی نینگ مهم قوماندانلری "همت" ناملی شخص تاماندن اوغیرلنگنینی معلوم قیلگندی. اما محل قوم آقسقاللری همت جنابلری بیلن علاقه قورگنده او بوموضوعنی رد ایتگندی.