هلمند وارزگان ولایت لریده گی واقعه لرده 11نفرهلاک بولگن

Image copyright Jawad Dawari

افغانستان جنوبیده گی هلمند ولایتی نینگ مرکزی لشگرگاهده کی گوجوم محلده عملگه آشگن خودکش هجومده ییتشی نفر اولیب وتورت پلیس داخل 23کیشی هم تن جراحتی آلیشگن.

وزابل ولایتیده یوزبیرگن پارتلشده تورت نفرهلاک بولگن.

قندهارده گی بی بی سی مخبری مامون درانی گه کوره آقشامگی بوهجوم ایریم تومنلردن سفرقیلیب بوییردن اوته دیگن محلده روی بیرگن.

اونینگ ایتیشیچه بوهجوم پلیس تیکشیریب تورگن محلده یوزبیریب، کوریلیشیچه اویوشتیریلگن مذکورهجوم پلیس گه قره تیلگن بولیشی ممکن.

درانی گه کوره هجوم صادر بولگن محلده کرولا، مازدا نقلیه واسطه لری وموترسایکللرگه خساره ییتیب کوریلیشیچه عادی خلق اولیب ویاره لنگنیدن دلالت بیره دی.

هلمند ولایتی نینگ حاکمی عمر ځواک نینگ ایتیشیچه اوشبوهجومده هجومچی پارتلاوچی ماده گه توله بولگن نقلیه واسطه نی پلیسگه تیگیشلی موترگه یقینلشتیریب پارتلتگن.

حاضرگچه بوهجوم باره سیده بیرارقوراللی گروه هیچ نرسه ایتمه گن.

باشقه تاماندن هلمند ولایتیده گی هجومدن بیرساعت اوتیشی بیلن ارزگان ولایتی مرکزی ترینکوتده بیرپارتلش یوزبیریب صدیق ناملی پلیس قوماندانی بیلن اوچ نفرباشقه هلاک بولیب وباشقه 5کیشی هم تن جراحتی آلیشگن.

ترینکوت شهری نینگ بیرینچی حوزه آمری نینگ ایتیشیچه هلاک بولگن لرآره سیده ایکی نفرباله هم بولیب برچه سی بیرعایله نینگ اعضالریدن عبارت.