جمهور رییس اشرف غنی سعودی عربستان گه سفر قیلدی

جمهوررییس غنی ایککی کونلیک بو سفریده سعودی عربستانی پادشاهی ملک سلمان بن عبدالعزیز و باشقه بیر قطار رسمیلر بیلن اوچره شیشی ممکن.

افغانستان جمهور رییسلیک سرایی تمانیدن نشر ایتیلگن بیر اعلامیه گه کوره، افغانستان جمهور رییسی محمد اشرف غنی بوگون توشدن کیین سعودی گه تمان یول آلگن. اعلامیه ده تاکیدلنیشیچه، جمهور رییس غنی بو سفر جریانیده مکه مکرمه ده عمره حج مراسمینی هم ادا قیلیشی ممکن.

اونی بو سفرده ملی خوفسیزلیک مصلحتچیسی محمد حنیف اتمر، اجراییه رییسی معاونی محمدخان، حج و اوقاف وزیری فیض محمد عثمانی و باشقه بیر قطار رسمیلر یولداشلیک قیله دی.

ارگ تمانیدن نشر ایتیلگن اعلامیه ده، افغانستان جمهور رییسی نینگ سعودی عربستانیگه قیلگن سفریدن اساسی مقصد نیمه ایکنلیگی معلوم قیلینمه گن.