عبدالله عبدالله: چین نیچه بار طالبان بیلن صحبت قیلگن

افغانستان ملی بیردملیک حکومتی نینگ اجراییه رییسی عبدالله عبدالله ، چین دولتی نیچه بار طالبان بیلن صحبت قیلگنینی ایتیب بو گروه رهبرلرینی توغریدن توغری افغان دولتی بیلن مذاکره قیلیشگه دعوت ایتگنینی تاکیدله گن.

جناب عبدالله اندیا تودی روزنامه سی تمانیدن دهلی ده اوتکزیلگن ییغینده شوندی فکربیلدیرگن:" چینلیکلر اوتگن نیچه آی جریانیده بیر، ایککی ویا اوچ مرته طالبان ببیلن صبت آلیب بارگنلر، اولر طالبان گروهی نی توغریدن توغری صحبت آلیب باریشگه تکلیف قیلگن."

اوتگن آی چین نینگ تشقی ایشلر وزیری پاکستان ده گی سفریده افغانستانده یوزبیریب کیله یاتگن ناقرارلیک لرگه نقطه قوییش اوچون پکن واسطه چیلیک قیلیشگه تیار ایکن لیگینی ایتدی.

تشقی ایشلر وزیرلیگی سوزلاوچیسی اوتگن هفته چین دیپلمات لری طالبان وکیللری بیلن اوچره شگن دیگن گزارشلرنی ردایتدی.

عبدالله جنابلری حامدکرزی حاکمیتی دوریده افغانستان چین بیلن علاقه لرینی کینگیتیریش اوچون سعی قیلگنینی اورغوله گن ، شونینگ دیک او، چین نینگ پاکستانده بولگن نفوذی دن صلح اوچون فایده له نیش کیرک لیگینی تاکیدله گن.

افغانستان جمهوررییسی محمد اشرف غنی بیرینچی رسمی سفرینی چین دن باشله دی. بو سفردن سونگ کابل- اسلام اباد علاقه لری هم یخشی لنگن.

بوندن آلدین افغانستان و طالبان آره سیده صلح مذاکره لری مارچ آی اوللریده باشله نیشی ایتلگن ایدی، اما ریجه لنگن مذاکره لر قییرده بولیب اوتیشی خصوصیده معلومات یوق.

ملی بیردملیک حکومتی نینگ اجراییه رییسی افغانستان و پاکستان علاقه لری مستحکم له نیشی افغانستان – هندوستان علاقه لریگه منفی تاثیر قالدیریشی ممکن دیگن خواطیرباره سیده شوندی جواب بیردی:"هندوستان و افغانستان اره سیده گی علاقه لر اوته مستحکم،بو مستحکم علاقه لرنی باشقه لربیلن بولگن علاقه لرگه سالشتیریب قضاوت قیلمنگ."

عینی حالده او، هندوستان نینگ 14ییل جریانیده افغانستانده قیلگن یاردم لریدن منتدارچیلیک بیلدیرگن.