ساغلیق نی سقلش وزیرلیگی اوچ کونلیک پولیو ایملش کمپاینی نی باشله دی

Image copyright AFP

افغانستان ساغلیق نی سقلش وزیرلیگی باله لر فلج کسلیگیگه قرشی ایملش کمپاینی باشلگنیدن خبربیرگن. بو کمپاین افغانستان نینگ 28 ولایتیده اوچ کونگه قدر دوام ایته دی و کمیده سککیز مینگ باله واکسین بوله دی.

افغانستان ساغلیق نی سقلش وزیرلیگی مسووللریدن محمد رفیق مشعل نینگ ایتیشیچه، اقلیم معماسی باعث بوکمپاین التی ولایت و 16 اولسوالیککه عملی بولمسلیگی ممکن.

پنجشیر، بادغیس، هرات و غور ولایت لری همده جنوب ده گی ایریم اولسوالیک لری مذکور کمپین عملگه اشریلمیدیگن منطقه لر ایکن لیگی قیدایتیلگن.

اما مشعل جنابلری ایککینچی دورده بو منطقه لرده پولیو کسللیگیگه قرشی ایملش کمپاینی عملگه آشریلیشی ممکن لیگینی ایتدی.

ایملش دستوری نینگ بو دوریده سککیز میلیون باله پولیو واکسینی بوله دی.

اوتگن ییللرده افغانستان جنوب و جنوب غربیده کوپلب باله لر ناتینچ لیک لرباعث پولیو واکسنیدن محروم قالدی، اما افغانستان عامه ساغلیق وزیرلیگی جاری ییل امنیتی تهدید لر کمه یگنینی ایتیب کمیده ییللیک مینگ ایشیچی بو کمپاین اوچون شهرلر وقیشلاق لرگه باریشلرینی معلوم قیلدی.

جاری ییلده هم افغانستان نینگ تورلی حدودلریده بیرقنچه باله لر پولیو کسللیگگه چیلنگنی تصدیق لندی جمله دن جنوبی خوست ولایتیده پاکستان نینگ شمالی وزیرستان منطقه سیدن کیلگن باله لرگه بو کسللیک کوریلگنی تصدیق لنگن ایدی.

دنیانینگ اکثری مملکت لریده باله لر فلج کسللیگی یوق قیلینگن، بیراق افغانستان، پاکستان ونیجریه ده حاضرگه قدرهم بوکسللیک موجودبولیب باله لراوچون جدی تهدید حسابلنه دی.