نمایشچی لر: اگر30کیشی آزاد ایتیلمسه کابل قندهار یولینی یاپه میز

قوم آقسقاللری، مدنی تشکیلات اعضالری وعادی خلق دن عبارت غزنی شهری نینگ مینگدن آرتیق اهالیسی بوولایتده ناراضیلیک نمایشی اویوشتیریب زابل ولایتیده اوغیرلنگن 30نفر آزاد ایتیلیشی نی طلب قیلگنلر. اوشبو مدنی اعتراض ییغین 2ساعت دوام ایتیب ناراضی لیک اویوشتیرگن لر مرکزی دولتدن تیزلیکده بومسافرلرنی آزاد ایتیلمه گن تقدیرده کابل قندهاریولینی یاپیب قوییش بیلن آگاه لنتیرگن. غرنی ده گی بی بی سی مخبری اسدالله جلال زی گه کوره مدنی اعتراض بیلدیرگن لر دولت تاماندن بوخصوصده جدی حرکت بولمه گنینی ادعا قیلگنلر، شوسبب اولربوگون بونمایشنی اویوشتیرگنلر. بو ییغینده اولر آلیب کیتیلگن 30کیشی قوییب یوباریلیشی اوچون دعا قیلگنلر واولرگناه سیزبولگنی اوچون قوییب یوباریلیشی نی طلب قیلگن. اعتراض بیلدیرگن لراولرنینگ بو اعتراضی دن مقصد قوراللی لر آلدیده سقلنه یاتگن مسافرلرآزاد ایتیلیشی بولگن. اولرخلق ارا وغزنی ولایت رسمی لریدن اولرنینگ آزاد ایتیلیشی اوچون حرکت قیلیش لرینی سوره دیلر. بوندن کمیده اوچ هفته دن آلدین ایکی مسافرلرمینیلگن نقلیه واسطه قندهاردن کابل گه کیته یاتگن ده یولده نامعلوم قوراللی تاماندن اوغیرلندی حاضرگچه بوکیشی تقدیری نامعلوم دولت بوحادثه دن کیین اولرنی قوتقزیش اوچون حربی عملیات باشله دی، اما اولرنی قوتقزیشگه موفق بولمه دی.