بیرلشگن ملت لرتشکیلاتی: افغانستانده داعش فعال بولگنی تشویشلی بیرمساله

Image copyright UNAMA

بیرلشگن ملت لرتشکیلاتی افغانستانده داعش گروهی فعالیت گه باشله گنیدن تشویش اظهارایتدی.اما بوگروه نینگ جنگی کوچگه ایگه لیگی گه نسبتن عصیانچی لرنی اوزصفیگه جلب ایتیشی مهم دیب ایتدی. افغانستانده گی بیرلشگن ملت لرتشکیلاتی نینگ مخصوص وکیلی نیکولاس هیسم بو تشکیلات نینگ خوف سیزلیک کینگشی یغینیده اورگه نیلگن معلومات لر اساسیده افغانستانده بو گروه حضوری خواطرلنرلی دیب ایتگن. اما افغانستانده داعش مهم لیگی اوشبو مملکتده قنچه کوچگه ایگه لیگی گه تیگیشلی بولمی، بیراق جنگری لرنی اوزیگه جلب قیلیشی تشویش توغردیریشینی ایتگن. هیسم جنابلری گه کوره افغانستانده اسلامی دولتنی کینگ قوللب قوتلش بیلگی سی کوزه تیلمه گن. بیرلشگن ملت لرتشکیلاتی حساباتیده کیلیشیچه طالبان حرکتی نینگ بیرقطارقوماندالری داعشدن بیعت قیلیش لرینی اعلان ایتگن وکوپچیلیگی هم مادی امتیازقولگه کیلتیریش واوزهمکارلیک لرینی بوگروه بیلن عملگه آشیریش اوچون سعی وحرکت قیلماقده لر. اوتگن کونی افغان رسمی لری افغانستانده اسلامی دولت گروهی رهبری حفیظ وحیدی 9صف داشی بیلن هلمندولایتیده راکتی هجومده هلاک بولگنینی خبربیرگن ایدیلر. بوندن بیرآی آلدین هم بوگروه نینگ معاونی دیب تنیشتیریلگن ملاعبدالروف حربی عملیات نتیجه سیده اولدیریلدی. افغانستانده گی بیرلشگن ملت لرتشکیلاتی نینگ مخصوص نماینده سی بومملکتده تینچلیک مذاکره لری آلغه سیلجیشی خصوصیده مناسب شرایط مهیا ایتیلگنینی ایتگن. شونینگ دیک اوشبو گزارشده میلادی 2001ییلده طالبان حرکتی قوله تیلیشیدن بیری میلادی 2011ییلدن کیین میلادی 2014ییل اینگ قانلی ییل بولگنی دیب تیلگه آلینگن. هیسم جنابلری انسان پرورلیک یاردم لرییتکزیلیشی وانسان حق لری باره سیده طالبان بیلن صحبت لرینی دوام ایتدیریشینی هم تاکیدله گن. افغانستانده، بیرلشگن ملت لرتشکیلاتی یا یونیما ماموریتی ینه بیرییل گه قدراوزه یتیریلدی، اما نیکولاس هیسم افغانستانگه کیلگن اوزگریشلرسبب بوتشکیلات اوز فعالیت لرینی عمومن تیکشیریب کوریشینی معلوم قیله دی.