غنی: تینچلیک اوچون اوتمیشده قولگه کیلگن یوتوقلرمعامله بولمه یدی

Image copyright epa

افغانستان جمهوررئیسی محمد اشرف غنی صلح مذاکره لری خصوصیده هیچ بیرزمان مصلحت نی نظرده توتمسلیگینی اورغولب مذاکره لرباره سیده بی پرده مردم نینگ جریانده قوییشینی ایتگن. او بوندن کمیده 3هفته آلدین اوغیرلنگن 30نفربوحکومتگه قرشی فتنه دیدی. شونینگ دیک حربی اکادمیه سی نینگ فراغت مناسبتی بیلن اوتکزیلگن یغینده صحبت قیلگن جناب غنی بوندن آلدین زابلده 31 نفر اوغیرله نیشی ملی بیردملیک حکومتیگه قرشی بیر دسیسه بولگنینی اورغوله گن. حربی اکادمیه سی نینگ ییتینچی فراغت دوریده صحبت قیلگن جمهوررییس غنی نینگ صحبت لری ایککی موضوع گه قره تیلگن ایدی. بیری صلح مذاکره لری و باشقه بیری هم افغانستانده حیات اوتکزیب کیله یاتگن قوملر اره سیده بیرلیک نی سقلش. ینگیدن حربی اکادمیه سی نینگ بیتتیرگن ضابطلر و جناللر حضوریده چیقیش قیلگن جمهوررییس اولرنی اوروش دن کوره کوپراق صلح مساله لریگه اعتبار قره تیشلری کیرک لیگینی تاکیدله دی. شونینگ دیک او حاضرگی شرایطده صلح نی اوته ضرور بیلیب بوخصوصده هیچ بیرزمان مصلحت قیلمسلیگینی اورغوله دی."جماعه نینگ اجماع ایتیشیدن مقصد صلح برقرارله نیشی بولگن، قدریت لریمیز ویوتوق لریمیزنی سقلب قاله دیگن تینچلیک بولیشی کیره ک، صلح نینگ اورته گه کیلیشی ضعیفلیکدن بولمی قوت بارلیگیدن کیلیب چیقیشی کیره ک، پرده آرقه سیده اوتکزیلمه گن، شفاف صلح بولیشی لازم، ملی ارزش لریمیزنینگ هیچ بیری هیچ کیم بیلن معامله بولمسلیگی مملکن لیگی باره سیده ایشانچ بیره من" دییدی غنی جنابلری عینی حالده غنی جنابلری سوزلری دوامیده نیچه بار افغانستانده یشب کیله یاتگن قوملر آره سیده گی ملی بیرلیککه اشاره قیلیب زابل ولایتیده اوغیرلنگن 31نفر قضیه سی افغانستان گه قرشی بیر فتنه بولگنینی ایتدی."بوتالارده اعلان ایته من، اوغیرلنگن اوتیزنفرملی بیرلیک حکومتی گه قرشی قره تیلگن فتنه، فخربیلن ایته من مخصوص کوچلرگه عملیات اوتکزیش اوچون شخصن اوزیم بویروغ بیردیم، نتیجه ده دشمن نینگ 69نفرینی هلاک ایتدیک" دییدی افغانستان جمهور رئیسی قریب اوچ هفته آلدین قندهار دن کابل قره ب حرکت قیلگن هزاره قومیگه منسوب بو اوتیز بیرنفر زابل ولایتیده اوغیرلنگن ایدی. اولرنینگ تقدیری حاضرگه قدرهم بیللی ایمس. هرییلی بیرقنچه یاش ضابط لر حربی اکادمیه سینی بیتتیره دی. بوگون 550 نفرتورت ییل تحصیل دن سونگ بوحربی اکادمیه سینی بیتتریب فراغت سندینی قولگه کیریتدیلر. بو حربی بیلیم مرکزی میلادی 20015 ییلده خلق ارا اتفاق کوچلری همکارلیگی بیلن کابلده قوریلدی. حاضرگه قدر کمیده ایککی مینگ ضابط بو مرکزده حربی بولیملرده تحصیلنی بیتتیرگن.