ننگرهارولایتی نینگ سرپرستی استعفابیردی

بو ولایت نینگ سرپرستی عطاالله لودین بوگون رسمن استعفاگه چیقدی، اوبونینگ دلیلی نی صلاحیت لری بولمسلیگینی ایتدی. نیچه آی آلدین افغانستان جمهور رئیسی فرمان چیقریب ولایت حاکم لرینی سرپرست قیلیب تعیینلنه دی. ننگرهار ولایتی حاکمی سرپرستی عطاالله لودین بوگون خبری انجمن اوتکزیب رسمن استعفاگه چیقدی و بونی سببی نی اونگه کیره کلی صلاحیت بیریلمه گن دیب اعلان ایتدی. اونینگ ایتیشیچه مملکت بویلب والی لرنینگ سرپرستلیک موضوعی سبب ایش لرعملگه آشمی وحاکم لر صلاحیت سیزخادمگه ایلنگن. لودین جنابلری گه کوره قلمرویده بولگن اداری فسادگه قولی بولگن نفرنی چیتله تیش صلاحیتیگه ایگه ایمس. شونینگ دیک او صلاحیتی بولمسلیگی سبب بو ولایتده 400دن 500سانده بولگن اوقیتوچی نی ایشگه آلینیشی باره سیده امضا قیله آلمسلیگی نی تیلگه آلگن. اونینگ تاکیدلشیچه بوحالت بو ولایتده گی معارف تیزیمی گه قیین چیلیک آلیب کیلگن. وشونگه قوشیمچه مرکزی دولت پول صلاحیتی بیرمه گن وحاضر مسجدلر، مذهبی مدرسه لر وقوم آقسقاللریگه یاردم بیریشگه مادی امکانیت قولیده یوق. اونینگ تاکید لشیچه قدرتدن چیتله نیشی بیلن بیرعادی شخص دیک حیات کیچیریشی ممکن. لودین جنابلری بوندن آلدین هم بولایت چیگره سیده جایلشگن محلده یوکلی نقلیه واسطه لرنی تارتیش مساله سیده هرآی 13میلیون افغانی سو استعمال بوله یاتگنی باره سیده اعتراض بیلدیریگندی. او بوخصوصده گی اداری فساد نینگ آلدینی آله آلمسلیگی نی ایتگن. کونیده پاکستاندن افغانستانگه اونلب یوک آرتیلگن نقلیه واسطه کیله دی، معیاردن آرتیقچه یوک آلدینی آلیش اوچون بوترازولرده ترتیله دی، بیراق لودین جنابلری بوندن قولگه کیلگن جریمه لرنینگ بیرقسمی دولت گه تولنمی آدم لرجونته گی گه کیره یاتگنینی ایتگندی. افغانستان جمهور رئیسی محمد اشرف غنی عقرب آیی فرمان چیقریب 34ولایت حاکمی سرپرستی بولیب ایش قیلیش لرینی اعلان ایتدی. اوشبو فرمانگه اساسن ولایت سرپرست لری دولت خادم لرینی ایشگه آلیش وایشدن هیده ش صلاحیتگه ایگه ایمس لر. بو بویروق باش قانون نینگ 64ماده سی و 23بندحکمی اساسیده ولایت لرده گی ایشلر عملگه آشیشی ایزدن چیقمسلیگی اوچون صادر ایتیلگندی.