فرخنده نینگ قتلیده کابل 13 پولیس مآموری بی فرقلیکده عیبلندی

Image copyright AP

افغانستان ایچکی ایشلر وزیرلیگی گه کوره فرخنده جسدی نی اوتگه یاندیرگنلیده بی فرقلیکده عیبلنگن کابل اون اوچ پولیس مآموری وظیفه لری توخته تیلگن. پنجشنبه کونی حوت آیی 28 ده کابل مرکزیده جایلشگن شاه دوشمشیره مسجدی آلدیده اونلب آدم بیر عیال نینگ قران کریم نی اوتگه یاندیرگنلیکده عیبلیب، اولدیریب جسدینی کویدیرگنلر. کابل پولیس قوماندانلیگی جنایی اداره سی رییسی ژنرال ظاهر ظاهرنینگ ایتیشیچه، حاضرگه قدر فرخنده نی اولدیرگنلیکده 13 کیشی عیبله نیب، قولگه آلینگن و قالگن عامللر قولگه آلینیشی اوچون سعی و حرکتلر همان دوام ایتماقده. یکشنبه کونی افغان عیاللری، اوچ کون حادثه دن سونگ، فرخنده جسدینی یوزلب آدم اشتراکی بیلن کابل ده توپراققه تاپشیردی. افغانستان ایچکی ایشلروزیرلیگی نورالحق علومی حجت وگواه لرگه قره گنده، مذکورعیال گه قوییلگن قران نی یاندیرگنلیک عیبی ناتوغری بولیشی ممکنلیگی نی ایتدی. اجتماعی ترماغلرده ترقلگن ویدیو تسمه ده، بیر تعداد پولیسلر فرخنده نی قوتقه زیشگه حرکت قیله دی، اما کیینچه لیک اوزلرینی اوزاق آلیشیب تورگنی کورستیلگن. پنجشنبه کونگی حادثه آلدینی آلیشده پولیس نینگ بی فرقلیگی، افغانستان جماعه سی نینگ تورلی تیوه رک ساحه لریده قتیق تنقیدلر سبب بولگن. ایچکی ایشلروزیرلیگی تمانیدن نشر ایتیلگن خبرنامه ده، کابل شهری ایککینچی حوزه سی نینگ قوماندانی شامل 13 نفر پولیس مسووللری نینگ وظیفه لری توخته تیلگنی و اولرنینگ بو خصوصده گی بی فرقلیکلری اوستیده تحقیقات کیته یاتگنی قید ایتیلگن.