فرخنده نینگ جنازه سینی عیاللر کوتاریب باریشگن

Image copyright AP

بوگون کابلده فرخنده نینگ توپراققه تاپشیریش مراسمی بولیب اوتگن. بومراسمده اشتراک ایتگن عیاللر تاماندن مرحومه نینگ تابوتی ایرککلر تاماندن قبرستانگچه آلیب باریلیشیگه رخصت بیریلمه گن. بوعیال بوندن اوچ کون آلدین کابل نینگ شاه دوشمیره مسجدی یقنیده بیرقطارلرتاماندن تاشله نیب وچوب بیلن کلتکله نیب کیین جسدی یاقیب یوباریلدی. یوزلب کابل لیک لر وعایله سی وقرینداشلری اونینگ جسدینی کابل نینگ شمالیده جایلشگن 500فامیلی منطقه سیده توپراققه تاپشیریلگن. بو مراسم جماعه نینگ تورلی قتلمی اشتراک ایتگندی. کابل پلیسی نینگ جنایی ایشلر بوییچه مسوولی جنرال ظاهر اوشبو مراسمده فرخنده قتلیگه عیبله نیب 13نفر قولگه آلینگنی نی ایتدی وعیبلنگن باشقه کیشی لرنی هم قولگه الیش اوچون تحقیقات اوتکزیله یاتگنینی معلوم قیلدی. مراسم اشتراکچی لری "عدالت" عدالت" شعارینی تیلگه آلردیلر.

Image copyright AP

مهندسلیک شغلی بولگن فرخنده نینگ آته سی خبرنگارلربیلن بولگن صحبتیده قیزی اوشه کونی ایرته سی اوندن دفترچه آلمه من دیب 100افغانی آلگنینی ایتگن. اما کیچقرون اونی اولگنیدن خبر بولگن. او قیزی اسلامی مساله لرگه چوقور اعتقادی بولیب باشقه لرنی اسلامی مساله لرگه توصیه قیله یاتگنینی ایته دی. اونینگ ایتیشیچه قیزی معلم بولیشنی استرایکن. اما بوندن آلدین اوروحی کسللیککه یولیقیب شفاکارگه مراجعت قیلیش بیلن یخشی بولیب کیتگن. فرخنده آته سی دولت دن قیزی نینگ قتلی گه سبب بولگن لرنی جزاگه تارتیب جزاله نیشی طلب قیلگن. فرخنده اویی یقنیده جایلشگن مسجد امامی ییل آلدین بوعایله نی یقیندن تنی گنی ایتگن. او بی بی سی بیلن بولگن صحبتیده اونینگ عایله اعضاسی ضیالی ودینداربولگنینی معلوم قیلگن. او فرخنده نی اسلامی مساله لربیلن یخشی معلوماتگه ایگه بولگنینی ایتگن.

Image copyright AP

بودین عالمی گه کوره اولرقولگه کیلتیرگن معلومات لری اساسیده بو قیز تعویذ بیره دیگن بیرملا بیلن جنجلی چیققن، کیین او فرخنده نی قرآننی یاقدی دیب عیبله گن و بوندن اهالی خبربولگچ وغضبله نیب اونی قتل ایتگنلر. اونینگ قتلی مملکتده جدی مناسبت لرگه سبب بولیب بوحادثه عامللری محاکمه ایتیلیشی اجتماعی ترماق ایگه لری نینگ بیرقطاری تاماندن طلب قیلینگن. بوگون کابلده مسجد امام لریدن محمد ایاز نیازی فرخنده نینگ جنازه سی گه بارگن پیتی اهالی اونینگ تشریفی گه مخالفت بیلدیرگنی اوچون محلنی ترک ایتدی. ایازجنابلری نمازجمعه خطبعه سی عدلی وقضا اداره لریدن دقت بیلن بومساله گه یانده شیش لرینی سوره ب خلق نینگ اعتقادی حقارت بولگن حالده، بوعیال وضعیتی قنده ی لیگینی بیلیشگه مجبور ایمسلیک لرینی ایتگندی. شونینگ دیک اواگر اهالینی قولگه آلیش اوچون تیگیشلی اداره لرحرکت قیلماقچی بولسه، خلق قیام قیلیشی ممکن دیب ایتگندی. ایازی جنابلری بوگون اوز فیس بوک صحیفه سیده اونینگ بوباره بیلدیرگن اظهاراتی رسانه لرآرقه لی باشقه قیلیب بیریلگندیب ایتگن. کابلدن تشقری بوگون هرات ولایتی ده هم مدنی تشکیلات لرنینگ اونلب اعضالری دولت دن فرخنده نی قتل ایتیشیگه قولی بولگن لرمحکمه ایتیلیشینی طلب قیلگن لر. .