اوباما: افغانستانده گی کوچلریمیزنی جاری ییل نینگ آخیریگچه سقله یمیز

Image copyright epa

امریکا جمهور رئیسی باراک اوباما افغانستان ملی بیرلیک حکومتی رهبرلری بیلن اوتکزگن اوچره شوویده؛ مملکتی افغانستانده گی اوزحربی کوچلرینی میلادی 2015ییل اخریگچه حاضرگی سانده سقله شی ممکن لیگی نی ایتدی.

ایکله مملکت رهبرلری سه شنبه کونی توشدن کیین واشنگتن ده گی آق سرایده اوچره شدیلر.

اوباما جنابلری افغانستان جمهور رئیسی بیلن اوتکزگن قوشمه مطبوعات انجمنی دن سونگ، امریکا حربی لری نینگ افغانستان نی ترک ایتیش جریانی نی کیچیکتیریب، بو برنامه نی قیته کوریب چیقیشی حقیده تاکیدله گن.

آلدین ریجه لشتیریله گن برنامه اساسیده میلادی 20015ییل اخیریگچه امریکا نینگ 9800حربی سانی 5500گه توشردی ومیلادی 2016ییل نینگ اخیریگچه 2016 امریکانینگ قالگن حربی لری بومملکتدن آلیب چیقیله دی.

اوباما جنابلری اوتکزیلگن خبری ییغینده اوز قشونلری نی میلادی 2016 ییلگچه تولیق شکلده آلیب چیقیلیشی اوچون توزیلگن برنامه اوزگرمسلیگی ممکن لیگی نی ایتیب واونینگ جمهور رئیسلیگی نهایه تاپیشی بیلن افغانستانده گی ایلچیخانه نینگ امنیتی نی تامینلش مقصدیده امریکا نینگ 1000عسکری بو ییرده قالیشی ممکن دیدی.

اوباما جنابلری افغان امنیتی کوچلرینی آلقیشلب ایتیشیچه، ایکی مملکت آره سیده گی همکارلیکلردوام ایتیشی ممکن و بو مملکت افغانستانده تینچلیک تامینلنیشی جریانی و ترقیاتی اوچون اوزحمایتینی دوام ایتدیریشی ممکن.

او افغانستان ملی بیرلیک حکومتی رهبرلری بو مملکت گه قیلگن سفرینی ایکی مملکت علاقه لری رواجلنه یاتگنیدن دلالت بیره یاتگنینی ایتدی.

امریکا جمهور رئیسی گه کوره کیره کلی بودجه افغان امنیتی کوچلری آیاققه توریش لری اوچون امریکا دولتی کنگره بیلن کیلیشووگه ایریشگن تقدیرده بومملکتگه یاردم بیریشی ممکن.

جان کری اوتگن کون افغانستان جمهور رئیسی واجرائیه ریسی بیلن بولگن اوچره شوویده، امریکا 352 نفرلیک افغان امنیتی کوچلرینی میلادی 2017 ییلگچه کیره ک بوله دیگن بودجه سینی توله شی باره سیده سوزبیرگندی.

امریکا مدافعه وزیری اشتون کارتر افغان رهبرلری بیلن بیرکون آلدین اوتکزگن قوشمه انجمنده معلوم قیلیشیچه امریکا افغانستان بیلن استرایژیک همکارلیگی باره سیده بیرگن تعهدیگه توریشی ممکن وبو مملکت افغانستان امنیتی کوچلری سانی 352نفردن پسگه توشمسلیگی اوچون حرکت قیلماقده.

افغانستان جمهور رئیسی محمد اشرف غنی هم اوباما بیلن اوتگن خبری انجمنده معلوم قیلیشیچه هرچند افغانستان امریکا نینگ حربی رولی نهایه تاپگن وبومملکت نینگ مشق وتعلیم بیریش رولی اوینه شی اوته مهم.

غنی جنابلری امریکا بیلن افغانستان اورته سیده گی همکارلیک لر دوام ایتیشی بیرافغانستان اوچون بولمی، بلکه منطقه خوف سیزلیگی اوچون دیب وامریکا حربی لری چیقیشی بیلن افغانستاننی حربی وامنیت جهتدن قوله شی باره سیده گی فکر اوز جایینی تاپمه گنیدن خرسند ایکنینی ایتدی.

افغانستان جمهور رئیسی تینچلیک جریانی گه اشاره قیلیب واوبا بوجریاندن حمایت ایتیشینی معلوم قیلگنینی ایتدی.

غنی و عبدالله جنابلری اوباما بیلن اوچره مسدن آلدین، امریکا جمهور رییسی معاونی جو بایدن ومدافعه وزیری اشتون کارتر بیلن واشنگتن یقینیده جایلشگن آرلینگتون قبرستانیگه باریب، امریکانینگ قربان بولگن عسکرلری قبرلریگه گل چمبرلر قوییشگن.

دوشنبه کونی ملی بیردملیک حکومتی رهبرلری امریکا مدافعه وزیرلیگیده افغانستان ده حربی ماموریت بجره یاتگن امریکالیک عسکرلرنینگ عایله اعضالری بیلن اوچره شگن.

غنی جنابلری بو اوچره شووده امریکالیک عسکرلرو افغانستان اوچون یاردم کورسته یاتگن سالیق تولاوچیلرگه تشکرلر اظهار ایتگن.

ایتیلیشیچه، اشرف غنی ایرته امریکا کانگره سی ییغینیده چیقیش قیله دی.