قوراللی شخصلر وردک ولایتیده بیر سرویس نینگ 13 یولاوچیسینی اولدیرگن

وردک ولایتی حاکمیتی اداره سی سوزچیسی عطاوالله خوگیانی نینگ فرانسه خبر آژانیسیگه ایتیشیچه، قوراللی هجومچیلر بوگون سه شنه کونی ایرته لب بی سرویسگه مینگن آدملرگه قره ته اوق اوزیب، بیر عیال شامل 13 کیشینی نی اولدیرگنلر. بو حادثه مذکور موتر قندهار تمانگه کیته یاتگن بیر چاغده روی بیرگن. وردک ولایتی گه قوشنی بولگن غزنی ولایتی معاونی محمدعلی هم بو واقعه نی تصدیقلب، قوراللی هجومچیلر یولاوچیلرنی هر بیرینی علحیده قیلیب اوق توتگنینی ایتگن. رسمیلر بو هجوم دن مقصد نیمه لیگی معلوم قیلینمه گنینی ایتیب، بوحقده تحقیقات کیته یاتگنیدن خبر بیریشگن. اوتگن آیده قوراللی شخصلر زابل ولایتیده 30 نفر هزاره نی موتردن توشیریب اوزلری بیلن آلیب کیتگندی. ناتونینگ افغانستان ده گی حربی ماموریتی دسمبر آییده یکونلندی وحاضر افغانستان خوفسیزلیک کوچلری مملکت امنیتی نی تامینلش مسوولیتی نی اوز ذمه سیگه آلگن.