ملی اردو: 20نفرهیداوچی هلی هم طالبان قولیده سقلنماقده

Image copyright MoD

افغانستان ملی اردوسی طالبان تاماندن 20هیداوچی اوغیریلنمه گن دیب قیلینگن ادعانی یالغان دیب ایتگن. طالبان گروهی سوزچیسی ذبیح الله مجاهد نینگ ایتیشیچه بوگروه اعضالری هیداوچیلرنی اوغیرلمه گنلر.بلکی اولراوروش یوزبیرگنی سبب یوللریاپیلیلگنی اوچون قمه لیب قالیشگنلر. طالبان سوزچیسی گه کوره دایکندی ولایتی نینگ کجران تومنی ده اوروش یکون تاپیشی بیلن بونفرلرگه کیتیشیگه رخصت بیریله دی. عین حالده قندهار ولایتیده گی یوقاری مرتبه لی رسمی لردن جنرال سید واقف شاه نینگ معلوم قیلیشیچه 20هیداوچی هلی هم طالبان قولیده سقلنماقده. کجران تومنیدن بی بی سی بیلن صحبت قیلگن قندهارولایتی نینگ بورسمی سی کجرانده جنگ یوزبیرمه گنینی ایتیب وطالبان گروهی عامه فکرینی چلغیتیش اوچون حرکت قیله یاتگن لرینی تاکیدله دی. چهار شنبه کونی دایکند ولایتی کجران تومنی حاکمی ضامن پویا بو20هیداوچی طالبان تاماندن اوغیرلنگنینی ایتگن ایدی. اونگه کوره جاری هفته یکشنبه کونی بونفرلر دایکندی بیلن چیگره داش بولگن ارزگان ولایتی گه تیگیشلی چارچینوی تومنی گه آلیب باریلگن، بوکیشی لربرچه سی شیعه بولیب وبلوچ قومی گه منسوب . نیچه کون آلدین افغانستان ملی اردو رسمی لری دن بیری ملت وکیللری تاماندن چقیریلگنده ایتیشیچه ملی اردو هلمند ولایتی ده طالبانگه قرشی عملیاتلرنی شدتلشتیرگنی سبب طالبان اوزلریگه قره تیلگن باسیمنی آزه یتیریش مقصدیده دایکندی ولایتی نینگ کجران تومنیگه زورسالیشگه حرکت قیله یاتگن لرینی تیلگه آلگندی. بوندن بیرآی آلدین هم کابل قندهار عمومی قتناو یولیده کابل تامان کیله یاتگن 30نفرهزاره یوللاوچی انیقلنمه گن قوراللی شخص لرتاماندن نامعلوم محلگه اوغیرله گندیلر. اولرنینگ هلی هم تقدیرنا انیقلیگیچه قالماقده.اولرنینگ قوتزیش اوچون دولت تاماندن اوتکزیلگن حربی عملیات هم دییرلی نتیجه بیرمه دی.