پایتخت کابلده ملت وکیلی گه قره تیلگن انتحاری هجومده 3نفرهلاک بولدی

Image copyright Reuters

یکشنبه کونی کیچقرون افغانستان ملی مجلس اعضاسی وپکتیا ولایتی نماینده سی گل پاچا مجیدی گه قره تیلگن خودکش هجوم نتیجه سیده اوچ نفر هلاک بولدی. اوشبو هجومده مجیدی جنابلری هم یره لنگن. افغانستان ملی مجلسی اعضاسی وپکتیا ولایتی نینگ نماینده سی گل پاچا مجیدی گه قره تیلگن خودکش هجومده اوچ کیشی اوزجانینی قولدن بیردی. مجیدی جنابلری کابلده آقسقاللر ییغینیدن چیقه یاتگن بیرپیتده پارتلش صادربولیب نتیجه ده او آیاغیدن یره لندی. کابل پلیس باشلیغی عبدالرحمن رحیمی گه کوره انتحاری شخص پیاده ایدی، مجیدی جنابلری ییغین یولگه قوییلگن محلدن تشقریگه چیقه یاتگن پیتی اوزینی پارتله تیب یوبارگن. اخیرگی هفته ده بوبیلن ایکینچی انتحاری هجوم پایتخت کابلده عملگه آشماقده. رویترز خبرگزارلیگی هلاک ایتیلگن لردن بیری بلاغت یاشیگه ییتمه گن باله دیب گزارش قیلگن.