غزنی مدنی جماعه لیک اداره لری دولت نینگ 31 یولاوچی تقدیری گه بی فرقلیگی باره سیده اعتراض بیلدیردی

Image copyright sirat

بو ولایت یوزلب مدنی جماعه فعاللری قندهار ـ کابل یولیده ناتنیش قوراللی شخصلر تمانیدن آلیب کیتیلگن 31 یولاوچی تقدیری انیقلنمه گنی باره سیده اعتراض بیلدیریب، افغانستان جمهور رییسی گه نمایش روشده بیر ذره بین ماکت و متل وکیللریگه ایسه بیر اوچاق ساوغه قیلیشگن.

بو اعتراضچیلر اوشلب کیتیلگن یولاوچیلر باره سیده تشویش بیلدیریب، جمهور رییس غنی ذره بین بیرگنلریدن مقصد، شو بیلن آلیب کیتیلگن یولاوچیلرنی قیدیریشدن عبارت بولگن.

اعتراض چیلر ملت وکیللریگه هم بیر ماکت اوچاق ساوغه قیلیب، بوندن مقصد اولرنینگ غزنی احوالیدن خبردار ایمسلیگی بولگن.

اولرنینگ ایتیشچه، بو ولایت ناتینچ بولیب، بو یولده قتنه مسلیک کیره ک.

بو اعتراض افغانستان پارلمانی قرشی سیده عملگه آشیریلیب، نمایشچیلر ملت وکیللری نی اوشلب کیتیلگن 31 یولاوچی نینگ تقدیری باره سیده جیم تورگنلیک ده عیبلشگن.

نمایشچیلر ملی بیردملیک حکومتی رهبرلریدن مذکور شخصلرنینگ قوییب یوباریلیشی باره سیده جدی حرکت قیلیشلرینی سوره گن.

اعتراضچیلرگه کوره، دولت یولگه قویگن بیر نا موفقیت عملیات دن سونگ، جیم قالیب، حتی بو خصوصده جواب بیریشگه هم تیار بولمه گن.