200 گه یقین عیال پولیسی تورکیه دن تیارگرلیک کوردی

190 یاش افغان قیزلری تورت آی مسلکی شکلده پولیس تیزیمده تعلیم کوریش مقصدده تورکیه مملکتی گه کیتیب، تعلیم وتربیه لش بیلن ینه ده افغانستان گه قیتیب کیلدیلر. اولردن 112 ته سی کابل ده قالیب، باشقه سی مملکت نینگ تورلی ولایت لریگه ایش بجریش مقصد ده تعین لنه دیلر. عیال پولیس لرسانی 2014 ییل نینگ آخرلریگچه 5000گه ییتیریلیشی ایتیلگندی، لیکن حاضرایسه اولرسانی 2300گه قدردیر. حکمت شاهی ایچکی ایشلروزیرلیگی نینگ عیاللرمسولی. اونینگ ایتشیچه، عیال پولیس لرنی جذب ایتیلیشی اوچون مملکت دن تشقریده تربیه لنیش، بواولرگه کتته یوتوق حسابلنه دی.

«بوگونگی محفلی میز190 سینگیل لریمیزنی ینگی دن تورکیه مملکتی نینگ سیواس پولیس اکادمی سیدن فراغت آلیب، مملکت گه قیتیب کیلیش مناسبتی اوچون آلینگن. بوبیرینچی دورعیال پولیس لری دیرکه ایچکی ایشلروزیرلیگی تمانیدن تورکیه مملکتی گه تعلیم آلیش مقصدیده یوباریلگندی. وبولرمملکتدن تشقریده مسلکی شکلده تعلیم کوره دیلر.» خانم حکمت شاهی نینگ ایتیشیگه قره گنده، جاری ییل جوزا آیی نینگ آخریگچه 300 دن آرتیق عیال پولیس نی مسلکی شکلده تربیه لش اوچون تورکیه مملکتی گه جونیتلیشی ریجه لنتیریلگن. عموما آلگنده بیریوزو ییللیک ییتی مینگ افغان پولیسی دن فقط گینه بیردن بیش فایزینی عیال پولیسی تشکیل بیره دی. شونینگدیک، خانم یلدا سعیدی گه کوره، عیال پولیس لرنینگ تشقی مملکت لرده مسلکی شکلده تعلیم بیریلیشی نی مملکت اوچون کتته آدیم دیب بیله دی. اونگه کوره، عیال پولیس لرنینگ تشقی مملکت لرده تعلیم کوریشلری، افغانستان اوچون ضروری بیرمساله دیر. چون ایریم جایلرده عیال پولیس موجود بولمه گن صورتده، ایرکک پولیس عیاللرنی تلاشی قیله آلمه یدیلرو توغری کیلمه یدی. افغانستان سنتی مملکت بولگن لیگی اوچون عیاللر جوده آز پولیس بولیش گه علاقه کورسته دیلر. گزارش لرگه قره گنده، عیال پولیس لرسانی نینگ آزلیگینی اولرگه جنسی آذارواذیت بولیش دیب بیله دیلر.