عبدالله سیلاو تیزیمی گه اصلاحات کیریتیش کمیسیون باشلیغی تنله نیشده قرشیلیک بیلدیردی

Image copyright none

افغانستان حکومتی اجراییه اداره سی رییسی،سیلاولر تیزیمیگه اصلاحات کیریتیش کمیسیونی رییسینی تعیینلشده او بیلن مصلحت اوتکزیلمی وبو قبول ایتیلمه یدی دیگن.بو اداره، بوقرار قیته کوریب چیقلیشینی تاکیدله گن.افغانستان جمهور رییسلیگی حاضرچه بوحقده فکر بیلدیرمه گن.

سیلاولرده اصلاحات کیریتیش اوچون تشکیل ایتیلگن مخصوص کمیسیون هنوز اوز ایشیگه باشله من، اما بو کمیسیون گه نسبتآ تنقیدلر پیدا بوله باشله گن.

افغانستان حکومتی اجراییه اداره سی، بو کمیسیون اوچون تعیین ایتیلگن رییس بوندن آلتی آی آلدین محمداشرف غنی و عبدالله عبدالله لر اورته سیده عملگه آشیریلگن کیلیشوونامه گه قرشی ایکنینی تاکیدله ماقده.

بو اداره نینگ سوزچیسی معاونی آصف آشنا نینگ بی بی سی گه ایتشیچه، سیلاولر تیزیمی ده اصلاحات کیریتیش کمیسیونی رییسی نی تعیینلش باره سیده قیته کوریب چیقیلیشی کیره ک.

بیز بو حقده جمهور رییسلیک اداره سی نینگ فکرینی اورگن ماقچی بولدیک، اما موفق بوله آلمه دیک.

عین حالده، بو کمیسیون رییسی شکریه بارکزی، سیلاولر تیزیمیده اصلاحات کیریتیش کمیسیونی ایشینی جنجل بیلن باشله مسلیک کیره ک دییدی.

بوندن آلدین بیرقطار مدنی جماعه چیلیک و سیلاولر خصوصیده فعالیت قیله یاتگن اداره لر هم کمیسیونده اولر تمانیدن هیچ بیر نماینده تعیین ایتیلمه گنی باره سیده تنقید قیلیشگندی.

اولر شونینگ دیک، تشکیل ایتیلگن کمیسیون اعضالری ییترلی چه تجربه گه ایگه بولمه گنی و مدنی جماعه چیلیک اداره لری تمانیدن هم وکلات قیله آلمسلیگی نی تاکیدله ماقده لر.

عین پیتده، تحلیلچیلر، بو کمیسیون بیر سیاسی کیلیشوو اساسیده تشکیل ایتیلگنی و بو خصوصده جنجل پیدا بولگنی هم سیاسی شخصلرنینگ ایشی ایکنی نی ایتیشماقده لر.

Image copyright Reuters

سیلاولر تیزیمیده اصلاحات کیریتیش مسله سی ملی بیردملیک حکومتی نینگ رهبرلری اورته سیده امضالنگن ماده لردن بیری بولیب، پارلمان سیلاولری اوتکزیلیشی هم انچه وقت قالمه گن. وجودگه کیلگن معما، سیلاولر اوتکزیلیشی جریانینی هم کیچیکتیریشی ممکن.