بامیانده ناراضیلیک اویوشتیرگن لر اوغیرلنگن 31نفرآزاد ایتیلیشینی طلب قیلگن

بامیان ولایتیده یوزلب بامیانلیک مدنی اعتراض یولگه قوییب 31نفرآزاد ایتیلیشینی طلب قیلدیلر. بوکیشی لرقندهارولایتیدن کابلگه کیله یاتگنده یولده قوراللنگن شخص لر تاماندن اوغیرلندیلر. اولرتقدیری هلی هم نامعلوم. افغانستان مرکزی بامیان ولایتیده یوزلب اهالی زابل ولایتیده اوغیرلنگن 31مسافر تقدیری نامعلوم لیگی باره سیده ییغین یولگه قوییب اعترا ض بیلدیرگنلر. بوییغین نهایه سیده مدنی اعتراض اویوشتیرگن لر قطعنامه اوقیب بیرلشگن ملت لر تشکیلاتی، افغانستان جمهور رئیسی، اجرائیه رئیسی وزابل ولایتی نینگ آقسقاللری دن اوغیرلنگن یوللاوچیلرنی آزاد ایتیلیشی اوچون جدی حرکت قیلیش لرینی سوره گنلر. بی بی سی خبرنگاری گزارش بیریشیچه ایکی ساعت لیک بونمایش تینچ فضاده بولیب اوتگن. بامیان شهریده ناراضی لیک نمایشی اوتکزیلگنی سبب بوولایت مرکزیده گی بازارهم بیرنیچه ساعت بوزیلدی. بو اعتراضچی زابل ولایتی نینگ قوم بویوک لری یوللاوچیلرنی قوییب یوباریلیشی اوچون قیلگن سعی وحرکت لریدن منتدارچیلیک بیلدیریب وبوحقده کوپراق سعی وحرکت قیلیش لرینی طلب قیلدیلر. مدنی اعتراض اویوشتیرگن لر تاماندن ملی بیرلیک حکومتی بوخصوصیده اعتبارسیزلیک قیلگنی اوچون تنقیدقیلیندی. اوتگن کونلرده افغانستان دولتی نینگ اعتبارسیزلیگی دیگن فکرلربیلن اجتماعی ترماق آرقه لی بومساله کینگ یاریتیلگن. بیرقطارلر ینگی دن اجتماعی ترماق لرده صحیفه لرآچیب باشقه لردن 31نفر آزاد ایتیلیشی اوچون کمپاین یولگه قوییش لری طلب قیلینماقده. 4ینچی حوت ایکی نقلیه واسطه ده مینیلگن مسافرلر قندهار ولایتیدن کابلگه کیله یاتگن چاغده زابل ولایتیده ناتنیش قوراللی شخص لرتاماندن اوغیرلندیلر. حاضرگچه اولرنینگ تقدیرباره سیده هیچ قنده ی معلومات یوق.