فراه ولایتی ده گی پلیس پوسته لری یوزلب قوراللی تاماندن هجوم آستیگه آلینگن

یوزلب چه قورالی طالبان بوکون ایرته لب فراه ولایتی پشت رود تومنی محلی پولیس قرار گاهلریگه هجوم اویوشتیرگن .

محلی ملازم لرگه کوره سکیز یوزدن کوپراق قورالی طالبان پشت رود اولوسواللیگی نی مساو قشلاق ده کی محلی پولیس قوت لرینی نیچه پوسته سیگه هجوم اویوشتیرگن.

پشت رود تومن حاکمی ملاغوث الدین بی بی سی بیلن اوتکزگن صحبتی ده اوروش شو حاضرهم ایککی تمان ارا دوام ایتب باریشی نی ایتیب حاضرگه قدر محلی پولیس کوچ لریدن بیش کیشی هلاک و تورت کیشی تن جراحت الگنی نی تصدیقله گن.

حاکم طالبان تمانی گه هم آغیر تلفات ییتکزیلگنی نی تاکیدلب اما تلفات نینگ انیق رقمی حاضرگه قدر معلوم ایمس دیدی.

اوعین دمدمه آغیر ویینگیل قوراللر بیلن جهازلنگن هجومچی طالبان مساو قشلاغی ده کی ایککی تلفن

آنتن لری همده اوچ کوپریک نی پارتلتگن دیدی.

پشت رود تومن حاکمی توش چاغیده فراه مرکزیدن یاردمچی ملی اردو و ملی پولیس کوچ لری منطقه ییتیب کیلگنینی تاکیدلب هجومچی طالبان ایرته لب باسیب الگن جای لریدن بیرآز آرقه گه هیدلگن دیب ایتدی.

قریب التی ساعت شدت بیلن دوام تاپکن بو اوروش جریانیده منطقه یشاوچی لر وعادی اهالیگه قنده ی بیر زیان ییتکزیلگنی حقیده تومن حاکمی حاضرگه قدر انیق معلومات قولده ایمس لیگی نی هم تاکیدلدی.

فراه ولایتی دن ییتیب کیلگن سونگی معلومات لرگه قره گنده طالبانگه ضربه ییتکزیب ومحلدن هیده ش اوچون تیک اوچلرهم افغان کوچلریگه هوادن یاردم بیرگن.

افغانستان غربیده جایلشکن فراه ولایتی نینگ اکثر اولسوال لیک لری ناقرار و ناتینچ و هردایم بونده ی جنگ لر کوزتیلماقده.