افغانستان مرکزیده یوزبیرگن ترافیکی حادثه ده 9نفرجان بیرگن

افغانستان جنوبیده جایلشگن میدان وردک ولایتی رسمی لری نینگ ایتیشیچه بوگون ایرته لب ساعت 5ده میدان وردک وبامیان ولایتی آره سیده گی یول نینگ یونلیشیده یوزبیرگن ترافیکی حادثه ده 9نفر هلاک بولیب و11کیشی هم تن جراحتی آلیشگن.

میدان وردک ولایتی حاکمی مطبوعات خذمتی خبرنامه سیده کیلیشیچه فلانکوچ رسومیده مسافرلر مینیلگن نقلیه واسطه میدان وردک ولایتی نینگ جلریز تومنی نینگ اونی حدودیده یومه له گن.

میدان وردک حاکمی مطبوعات خذمتی اداره سیگه کوره هلاک بولگن لردن 4ته سی عیال وایکیته سی هم کودک بولگن.

جراحت آلگن لردن ایکیته سی هم عیال بولیب ومحلی رسمی لر یره لنگن لرنینگ ایکیته سی نینگ احوالی آغیرایکن لیگی نی ایتماقده لر.

یوللر بوزیلگنی وهیداوچلیک اوچون یول قاعده وبیلگی لری کوزگه کورینرلی بولمه گنی ترافیکی واقعه لرآشیشیگه سبب بولگن.

رسمی رقم لرگه قره گنده میلادی 2005ییلدن میلادی 2012ییلگچه کمیده 35مینگ نفر ترافیکی واقعه لر سبب اوزجان لرینی قولدن بیرگن.