خوستلیک اعتراضچی لر: بوولایتده یوز بیرگن پارتلشده ولایت سرپرستی قولی بار

Image copyright khost.gov.af

افغانستان جنوب شرقیده گی خوست ولایتیده اعتراضچی لر بو ولایت سرپرستی عبدالجبارنعیمی نی 5شنبه کونی یوزبیرگن پارتشلده عیبلب واونینگ محکمه ایتیلیشینی طلب قیلدیلر. نعیمی جنابلری بی بی سی بیلن بولگن صحبتیده یوزبیرگن پارتلش عاقبتیده 18نفر اولیب و64کیشی یره لنگنینی ایتدی. نعیمی جنابلری توره دیگن اویی یقنیده اونینگ مخالف لری مدنی اعتراض یولگه قوییشی کوتیلردی. قربان لرنی توپراققه دفن ایتیش مراسمی یولگه قوییله یاتگن بیرپیتده ناراضی لیک نمایشی اوتکزیلدی وایریم اعتراضچی لر بوجمله دن خوست ملت وکیللری وولایت کینگش اعضالری نعیمی جنابلری واونینگ دوست لرینی بوواقعه گه عامل دیب ومحکمه ایتیلیش لرینی سوره دیلر. ملی مجلس اعضالریدن کمال ناصر اصولی جمهور رئیس دن اصولی جنابلرینی خوست گه جونه تیلمسلیگی نی سوره دی. حاضرنعیمی جنابلری کابلده تورماقده. اصولی جنابلری نینگ آگاه لنتیریشیچه جمهور رئیس اونی بوولایتگه جونتگن تقدیرده هرقنده ی واقعه مسوولیتی جمهور رئیس ذمه سیگه توشیشی ممکن. اما نعیمی جنابلری بی بی سی گه ایتیشیچه اونگه قوییلگن عیبلاولر اورین سیز بولگن و واقعه یوزبیرگنده کابلده توریب واونی بومساله ده قولی بولیشینی رد ایتدی.

Image copyright Arg

خوست ولایتی سرپرستی گه کوره عکسینچه اعتراضچی لر قوراللنگنینی ایتیب وایریم محللرنی اوز نظارت لریده آلیب امنیتی اداره لرگه رخصت بیرمسدیلر. او اعتراض اویوشتیرگن لرنی ناراضیلیک نمایشی یولگه قوییلیش مساله سینی امنیتی اداره لرگه شریک قیلمه گن لرینی ایتیب وبوبوشلیغدن دشمن اوز ریجه سی نی عملگه آشیریش اوچون فایده لنگنینی تاکیدله دی. خوستده گی خودکش هجومده یرلنگن لردن بیرقطاری دوالش اوچون کابلگه آلیب کیلینگن. ومعلومات لرگه قره گنده افغانستان جمهور رئیسی اولرنی یقیندن عیادت قیلگن.

خوست رسمی لری واقعه باره سیده فکر بیلدیرمه گنلر، اما محلی ارگان لر اداره سی تاماندن نشر ایتیلگن خبرنامه ده خودکش هجومنی افغانستان دشمن لریگه نسبت بیرگن. طالبان گروهی اوشبوهجومده قوللری بارلیگی نی رد ایتگن.