خلق ارا عفوتشکیلاتی: عیاللراویدن تشقریده مصون ایمس

خلق ارا عفوتشکیلاتی ینگی چیقرگن گزارشیده اویدن تشقریده ایشله یاتگن عیاللرجانی مصونیت لری بولمه گنیدن تشویش بیلدیرگن. بوتشکیلات که کوره جمعیتده عیاللرگه بوله یاتگن زوره وانلیکلرحکومت بی فرق لیگیدن کیلیب چیققن.

بوتشکیلات فعال بیرقطارعیاللردن اوتکزگن صحبتی دن چیقرگن خلاصه سیده عیاللرگه قرشی تهدید وزوره وانلیک عاملی بیرعصیانچی لربولمی، بلکی جماعه وحکومتده عیاللرتهدید، جنسی زورلش وکلتکلش کبی زوره وانلیک حاللریگه روبه رو بولیش لری قید ایتیلگن.

بیراق افغانستان حکومتی عیاللرگه کورسه تیله یاتگن زوره وانلیک لرنی آلدینی آلیش باره سیده وعده بیریب کیلگن.

بوگون کابلده بوتشکیلات تاماندن نشر ایتیلگن گزارشده خلق را عفوتشکیلاتی افغان عیاللری نینگ امنیت لری تهدید آستیده بولیب وحکومت بی فرق قاله یاتگنی معلوم قیلینگن.

بوتشکیلات گه کوره عصیانچی لر تهدیدلری بیرتاماندن و زوره وانلیککه قول اورگن لرقتیق جزالنمسلیگی باشقه تاماندن عیاللراوچون حیاتنی قیین لشتیرگن. بووضعیت بوتشکیلات نینگ تشویشلرینی آرتیرگن.

بوگزارش نینگ ینه بیر قسمی ده کیلیشیچه حکومت اداره لریده عیاللرنی جنسی زورلش موضوعیگه بغیشلنگن.

اداره لرده ایشله یاتگن عیاللر کوپلب حاللرده اوزلریدن یوقاری لوازمده بولگن شخصلر ایستکلریگه تن بیریشگه تن بیره دیلرواگربونی قبول قیلمه گن عیال اویده چیکله نیب قاله دی.

بو عیال نیچه آی آلدینگچه دولت نینگ قضا اداره لریدن بیریده ایشلردی حاضر قولی همه نرسه دن اوزیلگن.

بو تشکیلات اوشبو گزارشده یوزلب کیشی دن صحبت اوتکزیب عیاللرگه عاید یوزبیرگن زوره وانلیک لردن 50ته سی اوستیده کوپراق توختلگن.

اوشبو گزارشده آزار واذیت قیلینگن عیاللردولت گه شکایت قیلیش اوچون مراجعت قیلگنده کوپ حاللرده دولت تاماندن توجه بولمه گن.

اما افغانستان جمهور رئیسی محمد اشرف غنی بوندن آلدین عیاللرگه قرشی زوروانلیک لرنی آلدینی آلیب وعامللری بیلن جدی معامله قیلیشی باره سیده سوزبیرگندی.