افغانستان مدافعه وزیرلیگی گه افضل لودین نامزد ایتیب تنیشتیریلدی

Image copyright ARG

افغانستان جمهور رئیسلیگی گه کوره جنرال افضل لودین افغانستان مدافعه وزیرلیگی گه نامزدی بولگن.

افغانستان جمهور رئیسلیگی سوزچیسی اجمل عابدی بی بی سی گه ایتیشیچه لودین جنابلری محمد اشرف غنی تاماندن ملی مجلسگه تنیشتیریلگن.

لودین جنابلری افغانستان خلق دموکراتیک حزبی حاکمیتی دوریده تورلی حربی بولیم لرده ایشله گن.

او افغانستان جمهور رئیسی داکترنجیب الله حکومتی اخیرلریده قول اردو لردن بیری نینگ قوماندانی بولیب وننگرهار وپکتیکا ولایت لریده حربی عملیات لرنی رهبرلیک قیلگن، بیراق حامد کرزی حکومتی دوریده سیاسی وحربی میدانده رولی بولمه گن.

افغانستان جمهور رئیسلیگی مطبوعات خذمتی گه کوره لودین جنابلری حربی کادرلردن بولیب وکوپ ییللر مدافعه وزیرلیگی نینگ تورلی لوازم لریده تعیینله نیب ویقینده ملی امنیت کینگشی نینگ حربی مصلحتچیسی بولگن.

افغانستان کابینه سیده مدافعه وزیرلیگی مهم لوازم لردن بیری حسابله نه دی. بیراق بوندن آلدین ملی بیرلیک حکومتی بولوازمده بیرنفرنی تنیشتیریب ایشانچ آوازینی آلیشگه قادر بولمه گن.

حکومت وحدت ملی فهرستی از کابینه را سه ماه پیش

بوندن اوچ آی آلدین بو حکومت کابینه اعضالرینی ملی مجلسگه تنیشتیردی، اما بو رویخطدن 9وزیرایسه ملی مجلس نینگ ایشانچ آوازینی آلیشگه موفق بولدی.

ملی بیرلیک حکومتی ایسه نامزدلررویخطی نینگ ایکینچی باسقیچی نی اوتگن هفته تنیشتیردی، بیراق بورویخطده مدافعه وزیرلیگی اسمی یوق ایدی. مدافعه وزیرلیگی نامزدی بوگون اعلان ایتیلدی.