"ایران دولتی تمانیدن سوریه گه جنگ قیلیش اوچون یوباریله یاتگن افغانلرنینگ آلدی آلنیشی کیرک "

کابلده ایران ایلچیخانه سی قرشی سیده اعتراض بیلدیرگن نمایشچیلر، دنیا همجمعیتی و افغانستان حکومتی دن ایران دولتی تمانیدن سوریه گه جنگ قیلیش اوچون یوباریله یاتگن افغانلرنینگ آلدی آلنیشی نی سوره گنلر. عراق و سوریه جنگلریگه افغانلرنینگ یوباریله یاتگنی بیر قنچه وقتدن بیری تیلگه آلینماقده. اما افغانستان تشقی ایشلروزیرلیگی سوریه جنگیده افغانلرنینگ حضورینی تصدیقلب، اولر شخصی و اعتقادی مسله لر سبب باریب قوشیلگنلیگینی تاکیدله گن. افغانستان ملی مشارکت حزبی تمانیدن ایران ایلچیخانه سی قرشی سیده بیلدیریلگن بو نمایشده، ایران گه قرشی شعار بیریب، ایران دولتی افغانلربیلن انسانی یانده شووشیشی کیره کلیگی نی سوره شدی. ملی مشارکت حزبی نینگ ادعاسیگه کوره،ایران دولتی تمانیدن سوریه، عراق و یمن اروروشلریگه جونه تیلگن افغانلردن 350 دن آرتیغی قربان بولگن.

نمایشچیلر ایران دولتی تمانیدن افغانلرنینگ اعدام قیلینه یاتگنی نی هم قاره لب، ملی مشارکت حزبی نینگ اعلامیه سیده، ایران ده 270 نفر فغان اعدام نی کوته یاتگنلیگی و 20 ییل قماق جزاسیگه محکوم بولگن افغانلرگه ایران رسمیلری یمن جنگیگه بارسه لر، اولرنینگ قماق جزاسی کمه یتیریلیشی نی ایتگن. اما افغانستان تشقی ایشلروزیرلیگی هم سوریه جنگی ده بعضی شیععه مذهب مقدس جایلر موجودلیگی و اعتقاد مسله لر سبب، افغانلرنینگ اشتراکینی رد ایتمه ی، ایران افغانلرنی سوریه، عراق و یمن اروروشلریگه باریب قوشیلیشلری باره سیده سعی و حرکت قیلمه گن دییدی. افغانلرنینگ ایران دن جبری روشده سوریه گه جنگ قیلیش مقصدیده یوباریلگنلیگی ادعاسی باره سیده هیچ بیر رسمی حجت و گزارش موجود ایمس. اما سوریه ده گی بیرقطار افغانلر اروروش ده قتنه شگنی باره سیده تشقی ایشلروزیرلیگی خبردار. اولر اکثرآ آلدین دن سوریه گه باریشگن و اوروشه یاتگنلیکلریگه هم شخصی و اعتقادی مسله لر تورتکی بولگن. اما غزنی ولایتی اهالیسیدن بیری سید شریف نینگ بی بی سیگه ایتشیچه، اولر محله سیدن بیر تعداد شخصلر سوریه اوروشیده قتنشگن. عین حالده، انترنت صحیفه لریده هم افغانلرنینگ سوریه جنگیده اشتراک ایته یاتگن ویدیو لوحه لری نشر ایتیلگن. بو شخص اسمی نی مرادعلی و افغان ایکنینی ایته دی. ایران ده مخدرماده لر قاچاقیده عیبلنیب، قماققه آلینگن. اما ایران رسمیلری هر آییده 6 یوز امریکا دالری عوضیگه سوریه اورویشگه یوبارگن. زیرا ایرانیلر اولرگه سوریه ده جایلشگن شیععه مذهبلر اوچون مقدس بولگن زینب قبری ویران ایتیلیشی ممکنلیگی نی ایتیشگن.