جان کری بیلن عبدالله عبدالله تیلفونی صحبت قیلگن

Image copyright AFP

کونی کیچه امریکا تشقی ایشلروزیری جان کری عبدالله عبدالله بیلن تیلفونی صحبت قیلگن. افغانستان اجرائیه رئیسی سوزلاوچی سی اورین باسری آصف آشنا بی بی سی بیلن اوتکزگن صحبتیده اوشبوتیلفونی صحبتده بو ایکله یوقاری مرتبه لی رسمی ملی بیرلیک حکومتی ده ایریشیلگن کیلیشوو توغری روشده رعایت ایتیلیشی اوستیده تاکیدلب وبونی دولت نینگ موفقیتی دیب ایتگنلر. او شونینگ دیک بوگون امریکا نینگ افغانستان وپاکستان اوچون تعیین لنگن وکیلی دانیال فیلدمن بیلن عبدالله جنابلری اوچره شیب کیلیشوونامه نینگ هرتامانلمه عملی ایتیلیشی باره سیده صحبت قیلگنلرینی ایتدی. ایریم باشقه منبع لرنینگ ایتیشیچه جان کری جمهور رئیس غنی بیلن هم تیلفونی صحبت اوتکزگن، اما جمهور رئیسلیک سرای بوباره ده هیچ قنده ی فکر بیلدیرمه گن. افغانستان ملی بیرلیک حکومتی ایسه اوتگن ییلگی جنجللی سیلاودن کیین تشکیل ایتیلدی. ایکی تیم اورته سیده اختلاف لرآرته یاتگنی باره سیده چیقه یاتگن خبرلرآرتیدن امریکا تشقی ایشلر وزیری ملی بیرلیک حکومتی بیلن صحبت قیله یاتگنی باره سیده خبرلر نشرایتیلگن. عبدالله جنابلری کابلده گی ییغینده اجرائیه ریاستی اونگه ساوغه قیلینمه گنینی ایتدی. وبو ریاست قدرتگه 50فایز شریک دیدی. اوخلق آوازی ومصلحتی اساسیده بولوازمگه ایریشگنینی تاکیدله دی. بوگون مدافعه وزیرلیگی اوچون نامزد قیلینگن افضل لودین یوزه گه چیققن اوشبو قرمه قرشیلیک لرسبب اوز نامزدلیگیدن واز کیچدی. بو مخالفت لر بیر مدافعه وزیرلیگی گه چیکلنمه گن،بلکی ملی مجلس اعضا شکریه بارکزی بوندن نیچه هفته الدین جمهور رئیس تاماندن سیلاوتیزیمی اصلاح ایتیش مقصدیده رئیس قیلیب تعییلندی. کیین راق اونینگ تنله نیش مساله سیده عبدالله جنابلری مخالفت قیلیب قبول قیلمسلیگی نی ایتدی. .