ملی امنیت اداره سی: باشی تنه سیدن جدا قیلینگن کیشی زابلده گروگانگه آلینگن لردن ایمس

اوزبیکستان اسلامی حرکتی اعضالری تاماندن بیرنفر باشی تنه سیدن جدا قیلینه یاتگن جریاندن آلینگن ویدیو نشرایتیلیشی آرتیدن افغانستان ملی امنیت مناسبت بیلدیریب ایتیشیچه بو ویدیواوغیرلنگن 31نفر بیلن علاقه سی یوق. او ملی اردو سابق عسکری بولگن. افغاستان ملی امنیت اداره سی باشلیغی رحمت الله نبیل اوزفیس بوک صحیفه سی و بو اداره نینگ رسمی صحیفه سیده یازیلیشیچه بو ویدیوده باشی تنه سیدن ایریلگن نفر افغانستان ملی اردو عسکلریدن بیری بولگن. بو ویدیو اوزبیکستان اسلامی حرکتی تاماندن ترقه تیلگن واونده ایتیلیشیچه قتل ایتیلگن شخص افغانستان حکومتی نی آگاه لنتیریش اوچون باشی تنه سیدن جدا قیلینگن. یوزلری نقاب بیلن اوره لگن وقاره کییمده بولگن ایکی نفر دولتدن مجاهد دیب تیلگه لر ایستک لرینی نظرده توتمه گن تقدیرده هزاره قومی گه منسوب اسیرلرنینگ برچه سینی اولدیریش لری ممکن لیگی بیلن آگاه لنتیره دیلر. ویدیوده "مجاهدلر"دیب ایتیشلریدن نیت لری کیم لر بولگنی وافغانستان دولتی دن طلب لری نیمه بولگنی انیقلنمه گن. اوشبو ویدیوده باشی تنه سیدن ایریلگن شخص کوزه تیله دی، قتل ایتیلمسدن آلدین بوایکله کیشی آلدیده تیزه گه چوکیب وایتیشیچه ایکی ییل آلدین ملی اردو عسکر بولگن وافغانستان شمالیده جایلشگن بغلان ولایتی نینگ اندارب تومنی یشاوچیسی دیر. بوندن آلدین گروگانگه آلینگن لر زابل ولایتیده تنیلمه گن قوراللی شخص لرتاماندن اوغیرلنگندی، هزاره قومی گه منسوب بومسافرلر هرات ولایتی دن کابلگه کیله یاتگنده نقلیه واسطه لری توخته تیلیب آلیب کیتیلدی. ایتیلیشیچه اولرنینگ اکثریسی غزنی ولایتی یشاوچیسی بولگن. ملی امنیت اداره سی نشر ایتگن بیاناتیده تاکیدله شیچه بو ویدیو نینگ زابلده اوغیرلنگن 31مسافرقضیه سی بیلن هیچ قنده ی علاقه سی بولمه گن.

Image copyright RaminAnwari

یقینده افغانستان ملی بیرلیک حکومتی نینگ اجرائیه رئیسی نینگ ایکینچی اورین باسری محمد محقق بو مسافرلراسلامی دولت یا داعش گروهی تاماندن گروگانگه آلینگنینی ایتگندی. ملی امنیت اداره سی اردو نینگ سابق عسکری باشی تنه سیدن جدا قیلینگن حادثه نی انسانیت واسلامیت گه قرشی عمل دیب ایتیشیچه ملی امنیت بوقتل عامللرینی قولگه آلیش اوچون تیکشیروو ایش لرینی باشله گنینی معلوم قیله دی.