فاریاب ولایتیده طالبانگه قرشی جنگ قیلیب کیلگن 6نفربوگروه صفیگه قوشیلگن

فاریاب ولایتی نینگ پشتونکوت تومنیده طالبان گه قرشی قوزغلان باشلب پوسته لربرپا ایتیب اوروشیب کیلگن 6نفرقمه لیب قالگنی سبب طالبانگه قوشیلگن.

اما ایریم محلی رسانه لر طالبان حرکتی گه قوشیلگن لرسانینی 11نفردیب خبرقیلگندی.

محمد اسحق ناملی قوماندان اوز صفداشلری بیلن بوتومن نینگ سایرناملی قیشلاغیده بوگروه دن اوز حمایتی نی اعلان ایتگن.

اولر بوندن اوچ ییل مقدم طالبانگه قرشی توریب بوقیشلاقده پوسته ایجاد قیلگندیلر.

پشتونکوت تومنی نینگ حاکمی عبدالقدیر قادری گه کوره عصیانچی لرگه قوشیلگن بوشخصلر اوز قیشلاق لریدن اوزلری مدافعه ایتردی، اما دولت تاماندن اولرگه یاردم قیلینمسدی.

بیراق طالبان تاماندن کوپ مدت قملده قالگن لری سبب بوگروه صفیگه اوتگن.

بوتومن حاکمی قادری جنابلری سایرقیشلاغی تاغلی حدود بولگنی اوچون هوادن باشقه یاردم ییتکزیش ناممکن لیگی نی ایته دی.

بوندن آلدین ایریم محلی رسانه لرده طالبان گه قرشی مردمی کوچلردن 11نفربوگروه صفیگه اوتگنی باره سیده خبرلرچیققندی.

بیراق پشتونکوت تومنی حاکمی گه کوره 11نفربوندن بیرآی آلدین پوسته لریدن آرتده چیکینیب غلام محمدقوماندانگه تیگیشلی برپا ایتیلگن پوسته گه پناه ایلتگن لرینی ایتدی.