جوزجان پولیسی 2 یوز کیلوگرام گه یقین مخدرماده نی قولگه توشیرگن

Image copyright

جوزجان پولیس اداره سی مسووللری مخدرماده قاچاقیده قوراللی مخالفلرنینگ قولی بارلیگی نی ایتگن.133 کیلوگرام تریاک، 46 کیلو گرام هیرویین و 10 کیلوگرام چرس دن عبارت بولگن بو مخدرماده لر اوتگن کیچه جوزجان پولیسی تمانیدن شبرغان شهری نینگ خوفسیزلیک کمر بند منطقه سیده قولگه توشیریلگن.

جوزجان پولیس اداره سی قوماندانی فقیرمحمد جوزجانی نینگ بی بی سیگه ایتیشیچه، قولگه توشیریلگن مخدرماده لر یانیلغی و کچالو یوکلنگن موترلرگه ماهرلیک روشده جایلشتیریلگن.

جوزجانی جنابلری گه کوره، بو حادثه ده عیبلنیب قولگه آلینگن اوچ نفر قاچاقچی، مذکور ماده لرنی قندوز ولایتی دن یوکلب، فاریاب ولایتی غورماچ تومنیگه آلیب اوتماقچی ایکنینی اعتراف قیلگن.

او، بو ماده لرنینگ قاچاقیده قوراللی مخالفلرنینگ قولیگی بارلیگی نی ایتیب، اولر اکثرآ مخدرماده لرنی جوزجان آرقه لی سرپل، فاریاب و باشقه ولایتلرگه قاچاق قیلیشگه حرکت قیلیشه دی دییدی.

ایتیب اوتیش لازم که، جوزجان پولیسی بوندن بیر نیچه بار آلدین هم کته مقدارده گی مخدرماده لرماده لرنی کشف ایتیب، عامللرینی قولگه آلگن.