مزارشریف ده تیمیرچیلیک صنعتی کسادگه اوچره گن

مزارشریف ده ازلدن رواجلنیب کیلگن تیمیرچیلیک صنعتی بوگونگه کساد اوچره گن. تیمیرچیلر، بونگه تاجرلر تمانیدن چین دن صفتسیز تیمیر اسبابلری وارد قیله یاتگنینی سبب قیلیب کورستگنلر.

شو مسله سبب، اولردن بیرتعداد تیمیرچیلیک کسبی نی ترک ایتیشگه مجبور بولیشگن.

اوتیز ییلدن بیری تیمیرچیلیک کسبی بیلن شغللنیب کیلگن عبدالستار اسملی تیمیرچی، اوتگن اون جریانیده بو کسب دن روزغارینی قیینه لیب اوتکزیب کیلگنینی ایته دی. او حاضر اکثر تیمیرچیلر ایشلری کسادگه اوچره گنی سبب، بو کسب ترک ایتگن دییدی.

فقط او ایمس، بلکه 42 ییلدن بیری شو کسب بیلن شغللنیب کیلگن جلال الدین اسملی باشقه بیر تیمیرچی ایشلری کسادگه اوچره یاتگنی گه، خارجدن وارد قیلینه یاتگن صفتسیز و ارزان بها تیمیر اسبابلرینی سبب قیلیب کورسته دی.

اونگه کوره، بوندن اون ییل مقدم ایشلری دن یخشی درآمد قولگه کیریتیشگن، اما سونگی ییل دن بویان دکان کیره و شاگردلری نینگ خره جتینی تاپیشگه قیینلگن.

شونگه قره مسدن، هلی هم بیرقطار دهقان و چارواچیلر تیمیرچیلر تمانیدن یسلگن بالته، تیشه بیل کبی ایش اسبابلریگه قدر بیریب، ساتیب آلیشه دی و خارجدن کیله یاتگن ارزان بها تیمیر اسبابلری صفتلی ایمسلیگی نی ایتماقده لر.

اما اقتصادی تحلیلچیلرگه کوره، دولت ایچکی صنعتلرنی حمایه قیلمه گن حالده، ییل اوتیشی بیلن اولر اورته دن کیتیشی ممکن. محلی اقتصاد شناس محمد اکبر وحدت نینگ ایتیشیچه، دولت تاجرلرنینگ باجخانه سالیقلرینی آشیریب، خارجی توارلرنینگ آلدینی آلگن تقدیرده، ایچکی کارخانه لر اینیقسه، تیمیرچیلیک صنعتی رواجلنیشی ممکن.

بو تیمیرچیلرهم بو صنعتی نینگ رواجدن توشیب باره یاتگنی گه دولت نی مسوول بیلشماقده.

حاضرگی کونده مزارشریف ده 30 گه یقین تیمیرچیلیک دکانی فعالیب بولیب، بو صنعت دن آلتیمیش فایزی کسادگه اوچره گن.