ایران و افغانستان رهبرلری ایکله مملکت همکارلیگی ضرورلیگی نی تاکیدلشگن

Image copyright President.ir

ایران جمهور رییسی حسن روحانی افغانستان جمهور رییسی محمد اشرف غنی تهران ده اوتکزگن قوشمه خبری انجمنده، ایکله مملکت نینگ قوشمه منفعتلری و مناسبتلریده ینگی فصل آچیش همکارلیگی کینگه یشی باره سیده تاکیدلشگن.

ایران جمهور رییسلیک اداره سی نینگ یازیشیچه، روحانی جنابلری مذکور انجمنده، افغانستان جمهور رییسی نینگ قیلگن سفری کینگ همکارلیکلر باشله نیشی اوچون زمینه ایکنینی ایتگن.

افغانستان جمهور رییسی اشرف غنی هم ایکله تمانلمه و اوچ تمانلمه همده منطقه وی همکارلیکلر ضرورلیگی نی تاکیدلب، منطقه خطر شرایط دن چیقیشی و تینچ منطقه گه ایله نیشی اوچون سعی و حرکت آلیب باریلیشی نی ایتگن. او منطقه خیلمه خیل تیروریستلرگه روپه ره ایکنی نی ایتیب، منطقه مملکتلری نینگ همکارلیگی سیز داعش گروهی گه قرشی کوره ش آلیب باریش ممکن ایمسلیگی نی تاکیدله گن.

روحانی جنابلری، ایران و افغانستان امنیتی، اقتصاد، انرژی، کان، تجارت، مخدرماده لر قاچاقی و تیمیریول ساحه لریده همکارلیک نی کینگه یتیریش نیتیده ایکنینی ایتگن.

او شونینگ دیک مذکور ییغینده، مذاکره لر اساسیده، ایرانده گی برچه افغان مهاجرلری رویخطگه آلینیب، ایرانگه ایش اوچون کیله دیگن شخصلر قانونی یول آرقه لی باریشی باره سیده ترتیب انتظام عملگه آشیریلیشی ممکنلگینی تاکیدله گن.

ایران جمهور رییسلیک اداره سی سایتی نینگ یازیشیچه، مخدرماده لرگه قرشی کوره شده آستخباراتی وخوفسیزلیک همکارلیکلر ایکله مملکت رهبرلری نینگ مذاکره لریده علحیده تاکیدلنگن و افغانستان زوره وانلیک و افراطیتگه اینیقسه، چیگره منطقه لرده همکارلیکلرینی کوچه یتیریشی باره سیده کیلیشیب آلگن.

ایکله مملکت رهبرلری اورته سیده ایکی همکارلیک کیلیشوونامه امضالنگن.

بو ملاقاتده اطراف محیط، سوو و دریاچه لر موضوعی باره سیده هم بحث ایتیلیب، روحانی جنابلری بوحقده ایکله مملکت سوولردن قانونی فایده لنیش و اطراف محیط حمایه لنیشی خصوصیده قوشمه همکارلیک نظرده توتیلیشی نی تاکیدله گن.

افغانستان جمهور رییسی محمد اشرف غنی هم بو ییغینده، ایران رهبرلری حسن روحانی نی کابلگه تشریف بویوریشگه تکلیف قیلگن.

غنی جنابلری، بو سفرده افغان مهاجرلری نینگ سیکین استه وطنگه قیتیشلری، تیروزیم و مخدرماده لرگه قرشی کوره شده مذاکره اوتکزگنینی بیلدیرگن.

بو جریانده ایران تحقیقات وزیرلیگی و افغانستان عالی تحصیلات وزیرلیگی اورته سیده ایککی همکارلیک کیلیشوونامه امضالنگن.