مزارشریفده هندوستان قونسلخانه سی آنلاین ویزه بیریش سیستیمینی ایشگه سالگن

هندوستان نینگ مزارشریف ده گی قونسلخانه سی بوندن کیین ویزه آلیش اوچون یازمه طلبنامه نی قبول قیلمسلیگی و ویزه گه درخواست انترنت آرقه لی آنلاین روشده عملگه آشیریلیشی باره سیده آگاه لنتیرگن.

قونسلخانه مسووللری نینگ ایتیشیچه، اولر ویزه بیریش جریانینی مرکزی لشتیریش اوچون آی وی ایف آر تی نامی آستیده ینگی بیرسیستم نی ایشگه سالگن. بو سیستم گه بنآ، مشتریلر آنلاین روشده ویزه گه طلب نامه بیریشلری ممکن.

هندوستان نینگ مزارشریف ده گی قونسلخانه سی معاونی حمید تیاگی نینگ بی بی سی گه معلوم قیلیشیچه، مذکور سیستم ایشنی آسانلشتیریب، ایشانچلی و خوفسیزلیک معمالرینی آلدینی آلیشده یاردم بیره دی.

اونگه کوره، قونسلخانه شاشیلیچ حالتلرده کسللر اوچون انیق مبلغ عوضیگه بیر کون ایچیده ویزه بیریشی ممکن.

بو سیستم اساسیده، ویزه آلاوچیلرگه قونسلخانه ده انیق زمانده ملاقات گه وقت بیریلیشی تاکیدلنیب، مراجعت قیله دیگنلرنینگ برماقلری بایمیتیریک قیلینگن دن سونگ، ویزه صادر ایتیلیشی ممکن.

بو سیستم نینگ هندوستان نینگ کابل ده گی ایلچیخانه سی شامل ولایتلرده گی برچه قونسلخانه لرده لایحه لتشیریلگنی ایتیله دی، اما مسووللرگه کوره، حاضر اولر ایشله یاتگن افغانستان نینگ بیش ولایتده بو ایشگه سالینیب، مشتریلر افغانستان بویلب ویزه اوچون آنلاین طلب نامه بیریشلری ضرور.

اما قونسلخانه نینگ بو تدبیری اکثرآ هندوستانگه دوالنیش مقصدیده باره یاتگن آدملراوچون معما توغدیرگنلیگی گه سبب بولگن. مشتریلرنینگ ایتیشیچه، اولر یازمه طلبنامه آرقه لی ویزه نی قوله ی شکلده قولگه کیریترایکن، اما حاضر آنلاین گه ایریشمسلیک و ویزه بیریش مدتی اوزه یتیریلگنی نه فقط قوله یلیک یره تمه گن بلکه، قیینچیلیککه سبب بولگن.

بو مشتریلر شونینگ دیک، عایله وی پاسپورت توغریسیده هم قونسلخانه معما توغدیرگنینی ایتیشگن. اولرگه کوره، قونسلخانه عایله وی پاسپورتلرگه ویزه اورمه ی، هر بیر باله اوچون علحیده پاسپورت ضرورلیگی نی تاکیدله گن.

قونسلوخانه نینگ بیرگن معلوماتیگه کوره، افغانستان شمالیدن یاز موسمیده هرکونی اورته چه 40 نفر و قیش ده ایسه،100 دن 120 نفر ویزه آلیب هندوستان گه کیتیب کیله دی. بولرنینگ 80 فایزدن آرتیغی نی کسللر تشکیل بیره دی.