مدنی جماعه فعاللری نیمه دن تشویش ده؟

ایریم مدنی و سیاسی فعاللر دولتی اداره لرده طرف سیز و متخصص شخصلر تعین ایتیلیشینی ملی بیردملیک حکومتیدن طلب قیلدی.

ملی مدافعه وزیرلیگیدن تشقری برچه کابینه اعضالری ایشگه باشله دی. مدنی جماعه فعاللری ایسه وزیرلیک لر اورین باسر لری وباشقه مستقل رییسلیکلر، همده ولایت لرده شخصلر تعین له نیشی خصوصیده تشویش بیلدیرماقده.

"سمون " ناملی مدنی جماعه لردن بیری بوگون کابلده عینی موضوع خصوصیده مطبوعات انجمنی اویوشتیردی.

بو مدنی جماعه رهبرلری کابینه تشکیلاتی ودولت نینگ یوقاری مرتبه لی خادملری تعین ایتیلیشنی تنقیدلب حکومت بوخصوصده سیاسی مساله لرنی اینابتگه آلگنینی ایتدی. " سمون " ناملی مدنی قوریلمه نینگ اعضالریدن شینکی کروخیل:" حاضرگی کونده افغانستان سیاسی، اقتصادی وامنیتی ثبات سیزلیک بیلن یوزمه یوز، افغانستاننی جاری وضعیت دن قوتقرماقچی بولسک ایککی تیم هم حکومت نینگ باشقه مهم اداره لرینی سیاسی لشتیرمی، مسلکی شخص لرنی تعین ایتسینلر."

جمهوررییس غنی بوندن قریب ییتتی آی آلدین جمهورییس صفتیده ایشگه باشله دی. او ایسه کابینه تشکیلی باره سیده قومی، سمتی و مذهبی مساله لر نظرده توتیلمی مسلکی شخصلر تعین ایتیلیشینی تاکیدله گن ایدی.شونینگ دیک جمهوررییس غنی کابینه کیچیکتیریلیشگه سبب لردن بیری هم ایش بیلرمان شخصلرنی تعین لش ایکنینی ایتگندی.

اما کوپچیلیک کوزه توچیلر، وزیرلر ولایت حاکم لری و حکومت نینگ باشقه اداره لریده جمهوررییس غنی ایسته گن آدملرینی تعین ایتیشگه قادر ایمسلیگینی ایته دی. همده ملی بیردملیک حکومتی نینگ اجراییه رییسی عبدالله عبدالله نظری هم اورگه نیلیشی کیرک.

کابل بیلیم یورت استاد لریدن حمیدالله تاداش نینگ ایتشیچه اکثر وزیرلر ایککی تیم تمانیدن تانشتیریلگن، ولایت حاکملری شونینگدیک وزیرلیک لر اورین باسرلریگه هم ایککی تیم طرفدارلری یتعین ایتیلیشی ممکن.

عینی حالده تاداش جنابلری، قدرت بولینیشی ملی بیردملیک حکومتی نینگ کیله جک ایشلریگه منفی تاثیر قالدیریشی ممکن لیگینی اورغوله دی.

ینگی کابینه اعضالری تورلی قوملردن تشکیل تاپگن،اما کابینه ،.محلی و مستقل اداره لر ایککی تیم اره سیده بولینیشی دولت نینگ عادی ایشچیلرینی هم تشویش لنتیرگن. کورنیشچه هر بیر اداره رهبری اوزگرتیریلسه اوشبو اداره نینگ ایریم ایشچیلری هم ایشلرینی قولدن بیریب اورنیده باشقه شخصلر تعین ایتیله دی.